ಕಾಸರಗೋಡ್: ಚಂದ್ರಗಿರಿ ಸಂಕರ್ದ್ ನೀರ್ ಗ್ ಬೂರಿನ ನಗರದ ವ್ಯಾಪಾರಿನ ಪುನ ತಿಕ್ಕ್ ದ್ ನಂಡ್. ಉಳಿಯತ್ತಡ್ಕ ಶಿರಿಬಾಗಿಲಿನ ಹಸೈನಾರ್ (46) ತೀರ್ ಪೋಯಿನಾರ್ ಪಂದ್ ತೆರಿದ್ ಬೈದಂಡ್. ಎನ್ನ ಜೀವನನ್ ಅಂತ್ಯ ಮಲ್ತೊಂದುಲ್ಲೆ ಪಂದ್ ಕುಟುಂಬದಗಲೆಗ್ ವಾಟ್ಸಪ್ ಗ್ರೂಪ್ ಡ್ ಶುಕ್ರವಾರ ಕಾಂಡೆ ವಿಷಯನ್ ತೆರಿಪಾದ್ ಹಸೈನಾರ್ ಕಾರ್ ಡ್ ಬತ್ತದ್ ಚಂದ್ರಗಿರಿ ಸಂಕದಲ್ಪ ಉಂತದ್ ನೀರ್ ಲಾಯಿತ್ ದೇರ್.
ನೀರ್ ಗ್ ಬೂರ್ನೆ ನ್ ತೂದು ಅಲ್ಪ ತೂಯಿನ ಜನಕ್ಕುಲು ಪೊಲೀಸೆರಗ್ ಮಾಹಿತಿ ಕೊರ್ತೆರ್. ಬೊಕ್ಕ ಪೊಲೀಸೆರ್, ಅಗ್ನಿಶಾಮಕ ದಳದ ಸಿಬ್ಬಂದಿಲು ,ಜನಕ್ಕುಲು ನಾಡಿಯೆರ್. ಘಟನೆ ನಡೆತ್ತಿನ ಒಂಜಿ ಕಿ.ಮೀ ದೂರಡ್ ಪುನ ತಿಕ್ಕ್ ದ್ ನಂಡ್.ಪೊಲೀಸೆರ್ ತನಿಖೆ ಮಂತ್ ದೆರ್.