ಕಾಸರಗೋಡ್: ನಾಪತ್ತೆ ಆದ್ ಇತ್ತಿನ ಕಾಸರಗೋಡ್ ದ ನಾಲ್ ಆನ್ ಜೊಕುಲು ಒಡಿಪುದು ತಿಕ್ಕದೆರ್. ಈ ನಾಲ್ ಜನ ಜೊಕುಲೆಡ್ ಮೂಜಿ ಜನ ನ. 27 ಆನಿ ಬೈಯ್ಯಗ್ ಶಾಲೆರ್ದ್ ಇಲ್ಲಗ್ ಬೈದೆರ್. ಬೊಕ್ಕ ಗೊಬ್ಬರೆ ಪಂದ್ ಇಲ್ಲರ್ದ್ ಪಿದಾಯಿ ಪೊತೆರ್. ಈ ಮೂಜಿ ಆನ್ ಜೊಕುಲೆನ ಒಟ್ಟಿಗೆ ಅಲ್ಪದ ಬೊಕ್ಕ ಒರಿ ಆನ್ ಲ ಅಕುಲೆನ ಒಟ್ಟಿಗೆ ಪೋತೆ.ಆಂಡ ಮಸ್ತ್ ಪೊರ್ತು ಅನಂಡಲಾ ಇಲ್ಲಗ್ ಬೈಜೆರ್. ಜೊಕುಲೆನ ಇಲ್ಲದಗಲ್ ಕಾಸರಗೋಡ್ ದ ಪೊಲೀಸೆರೆಗ್ ದೂರು ಕೊರ್ತೆರ್.
ಬೊಕ್ಕ ಕಾಸರೋಡ್ ದ ಪೊಲೀಸೆರ್ ಕುಡ್ಲ ಸೇರ್ದ್ ಕರ್ನಾಟಕದ ಬೇತೆ ಬೇತೆ ಠಾಣೆಲೆಗ್ ಈ ಬಗ್ಗೆ ಮಾಹಿತಿ ಕೊರ್ತೆರ್. ನಾಪತ್ತೆ ಆಯಿನ ಒರಿಯಡ ಆನಡ ಇತ್ತಿನ ಪೋನ್ದ ಜಾಗನ್ ಟ್ರೇಸ್ ಮನ್ಪುನಗ ಅಕುಲು ಒಡಿಪುಡು ಉಲ್ಲೆರ್ ಪಂದ್ ತೆರಿದ್ ಬೈದಂಡ್. ಕಾಸರಗೋಡ್ ದ ಪೊಲೀಸೆರ್ ನೆತ್ತ ಬಗ್ಗೆ ಒಡಿಪು ಪೊಲೀಸರೆಗ್ ಮಾಹಿತಿ ಕೊರ್ತೆರ್. ಒಡಿಪು ಪೊಲೀಸೆರ್ ನಾಲ್ ಜೊಕುಲೆನ್ ವಶಕ್ಕ್ ಪಡೆತ್ತೆರ್.ಬೊಕ್ಕ ಕಾಸರಗೋಡ್ ದ ಪೊಲೀಸೆರ್ ಬೊಕ್ಕ ಜೊಕುಲೆನ ಇಲ್ಲದಗಲ್ ನ. 27 ಆನಿ ರಾತ್ರೆ ಒಡಿಪುಗ್ ಪೋದು ಜೊಕುಲೆನ್ ಕಾಸರಗೋಡ್ ಠಾಣೆಗ್ ಲೆತ್ತೊಂದು ಬೈದೆರ್.
ಈ ನಾಲ್ ಆನುಲೆಗ್ ಕೌನ್ಸೆಲಿಂಗ್ ಕೊರ್ದು ಇಲ್ಲದಗಲೆನ ಒಟ್ಟಿಗೆ ಕಡಪಾದೆರ್. ಗೋವಾಗ್ ಪ್ರವಾಸ್ ಪೋಪುನ ಉದ್ದೇಶರ್ದ್ ಇಲ್ಲ್ ಬುರ್ದು ಬತ್ತ ಪಂದ್ ಜೊಕುಲು ಪಂತೆರ್.