ಒಡಿಪು: ಕಲ್ಪಾರ್ಥಿ ನೇಹಾ ಹಿರೇಮಠಳಾನ್ ಬಿಸತ್ತಿ ಪಾಡ್ದ್ ಕೆರ್ನ ಫಯಾಝ್ ನ ಮಿತ್ತ್ ಕಾನೂನು ಕ್ರಮೊ ದೆತೊಂದು ಗಲ್ಲ್ ಗ್ ಪಾಡೋಡು ಪಂದ್ ಒಡಿಪುಡು ಎಬಿವಿಪಿದ ನಗರ ಕಾರ್ಯದರ್ಶಿ ಶ್ರೀವತ್ಸ ಒತ್ತಾಯ ಮಲ್ದೆರ್.
ಇನಿ ಒಡಿಪುಡ್ ಸುದ್ದಿಗೋಷ್ಠಿ ಡ್ ಪಾತೆರಿನ ಆರ್, ಈ ಒಂಜಿ ನಡಕೆರ್ದಾವರ ಕಲ್ಪರ್ಥಿಲೆಡ ಪೊಡಿಗೆ ಕುಲ್ಲುದುಂಡು. ರಾಜ್ಯಡೇ ಕಾನೂನು ವ್ಯವಸ್ಥೆ ಸಮ ಇಜ್ಜಿ ಪನ್ಪುನಾತ್ ಪೋಡುಗೆ ಅವೊಂದು ಉಂಟು. ಅಂಚಾದ್ ಖಾಕಿ ದಕುಲು ಆಯಿನಾತ್ ಬೇಗೊಡು ಕ್ರಮ ದೆತೊನೊಡು. ಅಂಚನೆ ಫಯಾಝ್ ನ್ ಗಲ್ಲ್ ಗ್ ಪಾಡುನ ಬೇಲೆ ಮಲ್ಪೊಡು. ಅಂಚಾಡ ಮಾತ್ರ ನೇಹಾ ನ ಸಾವುಗ್ ನ್ಯಾಯಾ ಸಂಧಿಯಾರ ಸಾಧ್ಯ.
ನೇಹಾ ಹಿರೇಮಠ ಗ್ ನ್ಯಾಯಾ ತಿಕ್ಕೊಡು ಪಂದ್ ಪ್ರತಿಭಟನೆಲ್ ಅವೊಂದು ಉಂಡು. ಆಂಡ ಕಾರ್ಕಳಡ್ ನಡತಿನ ಪ್ರತಿಭಟನೆದ ವಿರುದ್ಧ ಸರ್ಕಾರ ಜೋಕುಲೆನ ಮಿತ್ತ್ ಎಫ್ ಐ ಆರ್ ದಾಖಲ್ ಮಲ್ತುದು ಕಲ್ಪರ್ಥಿಲೆನ್ ಪೊಡಿ ಕಟ್ಟಾಪಿನ ಬೇಲೆ ಮಲ್ತೊಂದು ಉಂಡು. ಈ ಎಫ್ ಐ ಆರ್ ನ್ ಕಳೆದ್ ಕಲ್ಪರ್ಥಿಲೆಗ್ ನ್ಯಾಯಾಕೊರೊಡು. ಇಜ್ಜಾಂಡ ಉಂದೆರ್ದ್ ಮಲ್ಲ ಮಟ್ಟಡ್ ಪ್ರತಿಭಟನೆ ಮಲ್ಪುವ ಪಂದ್ ರಾಜ್ಯ ಸಹಕಾರ್ಯದರ್ಶಿ ಹರ್ಷಿತ್ ಕೊಯ್ಲ ಎಚ್ಚರಿಕೆ ಕೊರ್ದೆರ್.