ಒಡಿಪು: ಬಡಗುತಿಟ್ಟ್ ದ ಯಕ್ಷಗಾನದ ಖ್ಯಾತ ಭಾಗವತೆರಾಯಿನ ಸುಬ್ರಹ್ಮಣ್ಯ ಧಾರೇಶ್ವರ (67) ಇಂಬೆರ್ ಇನಿ (ಎ.25) ಬೊಲ್ಪುಗ್ ಬೆಂಗಳೂರುಡ್ ಇಪ್ಪಿನ ಮಗನ ಇಲ್ಲಡ್ ದೇವೆರೆನ ಪಾದ ಸೇರಿಯೆರ್.
ಇಂಬೆರ್ ಪೆರ್ಡೂರು ಮೇಳವೊಂಜೆಗೆ 28 ವರ್ಸ ಪ್ರಧಾನ ಭಾಗವತರಾದ್ ಸೇವೆ ಸಂದಾಯ ಮಲ್ದಿತ್ತೆರ್. ಅಯಿಕ್ ದುಂಬು ಅಮೃತೇಶ್ವರಿ ಮೇಳಡ್ ತಿರುಗಾಟ ಸುರು ಮಲ್ದಿತ್ತೆರ್.
ಹಿರೇಮಹಾಲಿಂಗೇಶ್ವರ ಮೇಳ ಬೊಕ ಶಿರಸಿ ಮೇಳಡ್ ಭಾಗವತರಾದ್ ಬೊಕ ಪೆರ್ಡೂರು ಮೇಳದ ರಂಗಮಂಚವೇರಿಯೆರ್. 1957ಡ್ ಗೋಕರ್ಣಡ್ ಪುಟ್ಟಿನ ಇಂಬೆರ್ ಸಂಗೀತಾಭ್ಯಾಸ ಮಲ್ದ್ ಲೇಸ್ ಕೊರೊಂದು ಇತ್ತೆರ್. ಯಕ್ಷಗಾನ ಕ್ಷೇತ್ರಡ್ ಒಟ್ಟು 46 ವರ್ಸ ಸೇವೆ ಸಂದಾಯ ಮಲ್ದೆರ್.