News Kannada
Sunday, April 21 2024
Cricket
ಕುಡ್ಲ

ದೈವಾರಾಧನೆಗ್ ಅಪಮಾನ: ಕಾಂತಾರಗ್ಲಾ ಎಚ್ಚರ್ಗೆ ಕೊರ್ನ ಹಿಂದೂ ಸಂಘಟನೆಲು

ಇಂಚೊಗು ಬೆರಿಬೆರಿಕ್ ದೈವಾರಾಧನೆದ ಅಣುಕು ಪ್ರದರ್ಶನ ಮಲ್ತ್ ದೈವಾರಾಧಕೆರೆನ ಮನಸ್‌ಗ್‌ ಬೇನೆ ಮಲ್ದಿನ ಬಗೆಟ್ ತುಳುನಾಡ್ ದೈವಾರಾಧನೆ ಸಂರಕ್ಷಣಾ ಸಮಿತಿದಕುಲು ಇನಿ ಜಿಲ್ಲಾಧಿಕಾರಿಲೆಗ್ ಮನವಿ ಕೊರ್ತೆರ್. ಇತ್ತೆ ಮೊಕಲೆಗ್ ಬೆರಿತಾಂಗಾದ್ ವಿಶ್ವ ಹಿಂದೂ ಪರಿಷತ್‌ ಅಂಚೆನೆ ಭಜರಂಗದಳಲಾ ಈ ಪೊರುಂಬಾಟೊಗು ಜೈದೆರ್.

ಕುಡ್ಲ: ಇಂಚೊಗು ಬೆರಿಬೆರಿಕ್ ದೈವಾರಾಧನೆದ ಅಣುಕು ಪ್ರದರ್ಶನ ಮಲ್ತ್ ದೈವಾರಾಧಕೆರೆನ ಮನಸ್‌ಗ್‌ ಬೇನೆ ಮಲ್ದಿನ ಬಗೆಟ್ ತುಳುನಾಡ್ ದೈವಾರಾಧನೆ ಸಂರಕ್ಷಣಾ ಸಮಿತಿದಕುಲು ಇನಿ ಜಿಲ್ಲಾಧಿಕಾರಿಲೆಗ್ ಮನವಿ ಕೊರ್ತೆರ್. ಇತ್ತೆ ಮೊಕಲೆಗ್ ಬೆರಿತಾಂಗಾದ್ ವಿಶ್ವ ಹಿಂದೂ ಪರಿಷತ್‌ ಅಂಚೆನೆ ಭಜರಂಗದಳಲಾ ಈ ಪೊರುಂಬಾಟೊಗು ಜೈದೆರ್. ಈ ಬಗೆಟ್ ಪಾತೆರಿನ ಶರಣ್‌ ಪಂಪ್‌ವೆಲ್ ಮೇರ್ ಒವ್ವ ಎ ಕಾರಣೋಗು ದೈವಾರಾಧನೆದ ದೃಶ್ಯೊಲು ಉಪ್ಪುನ ಧಾರವಾಹಿ ಟಿವಿಡ್ ಬರೆ ಬಲ್ಲಿ ಬತ್ತ್ಂಡ ಬೆಂಗಳೂರುಗು ಮುತ್ತಿಗೆ ಪಾಡುವ ಪನ್ದ್ ಪ‌ನ್ಡೆರ್. ಒಂಜಿ ವೇಳೆ ಟಿವಿಡ್ ಬತ್ತ್ಂಡ ಎಂಕ್ಲನ ಪೊರುಂಬಾಟ ಜೋರುಡು ಉಪ್ಪುಂಡು. ಅಂಚೆನೆ ನನದ ಪಿಚ್ಚರ್ಡ್ ದೈವಾರಾಧನೆದ ಪ್ರದರ್ಶನ ಉಪ್ಪರೆ ಬಲ್ಲಿ ಪನ್ದ್ ರಿಷಭ್ ಶೆಟ್ಟಿಗ್ಲಾ ಎಚ್ಚರ್ಗೆ ಕೊರ್ಪ ಪನ್ದ್ ಪನ್ಡೆರ್.

ಇಂಚೊಗು ಕಾವೇರಿ ಕನ್ನಡ ಮೀಡಿಯಂ ಪನ್ನಿನ ಒಂಜಿ ಕನ್ನಡ ಸೀರಿಯಲ್ ದೈವಾರಾಧನೆದ ಬಗೆಟ್ ಒಂಜಿ ಎಪಿಸೋಡ್‌ ಪ್ರೋಮೋ ಬುಡಿನವು ತುಳುನಾಡ್‌ಡ್ ಪಿಸಿರ್‌ಗ್ ನೆವನ ಆತ್ಂಡ್. ಒಂಜೆಕ್ಟ್ ರಡ್ಡೆಕ್ಟ್ ಈ ಕನ್ನಡ ಮನೊರಂಜನಾ ಉದ್ಯಮದಕುಲು ಕಾಸ್ ಮಲ್ಪರೆ ತುಳುನಾಡ ಸಂಸ್ಕೃತಿನ್ ಅಕಲೆಗ್ ಬೋಡಾಯಿಲೆಕ್ಕ ಪಾಡುನು ಮಾತ್ರ ಅತ್ತಂದೆ ಅವೆಕ್ ಮುಲ್ಪದನೇ ಕೆಲವು ಜನಕುಲು ತಾಂಗ್ ಕೊರ್ಪಿನವು ತುಳುವೆರೆ ಕಣ್ ಕೆಂಪು ಮಲ್ದ್ಂಡ್. ಈ ಬಗೆಟ್ ತುಳುನಾಡ ದೈವಾರಾಧನಾ ಸಂರಕ್ಷಣಾ ವೇದಿಕೆದಕುಲು ಕಂಪ್ಲೇಂಟ್ ಕೊರ್ತೆರ್. ಉಂದು ಇಡೆಗೇ ಉಂತುಜಿಡ ನನಲ ಮಲ್ಲ ಮಟ್ಟದ ಪೊರುಂಬಾಟ ನಡಪುಂಡು ಪನ್ದ್ ದೈವದ ಚಾರಿಕಿದಕುಲು ಅಂಚೆನೆ ತುಳುವರ ಪೊರುಂಬಾಟಗಾರೆರ್ ಪನ್ತೆರ್.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
34
ನ್ಯೂಸ್ ಕರ್ನಾಟಕ ತುಳು

Read More Articles
Related Articles

ಲೇಟೆಸ್ಟ್ ಅಪ್ಡೇಟ್ಸ್ಗಗ್ WhatsApp ಜಾಯಿನ್ ಆಲೆ