News Kannada
Saturday, April 13 2024
Cricket
ಕುಡ್ಲ

ಪಾಸ್ಸ್‌ದ ಜೆರಾಕ್ಸ್‌ ತೋಜಾಯಿನೆಕ್‌ ವಿದ್ಯಾರ್ಥಿನ್ ಸ್ಟೇಶನ್‌ ಗ್‌ ಕೊನೊಯಿನ ಕಂಡಕ್ಟರ್

ಪಾಸ್‌ದ ಜೆರಾಕ್ಸ್ ಕಾಪಿನ್ ತೋಜಾಯಿನೆಕ್‌ ಪರೀಕ್ಷೆಗೆ ಪೋವೊಂದಿತ್ತಿನ ಕಾಲೇಜ್ ವಿದ್ಯಾರ್ಥಿನ್ ಬಸ್ ಕಂಡಕ್ಟರ್ ಸಾರ್ವಜನಿಕವಾದ್ ಕ್ರೈಟ್ ಪತೊಂದು ಪೊಲೀಸ್‌ ಸ್ಟೇಶನ್‌ಗ್ ಲೆತೊಂದು ಪೋತಿನ ನಡಕೆ ಜ.24 ತಾನಿ ಕಾಂಡೆ ಕಡಬಡ್ ನಡತ್‌ದ್‌ಂಡ್.

ಕಡಬ: ಪಾಸ್‌ದ ಜೆರಾಕ್ಸ್ ಕಾಪಿನ್ ತೋಜಾಯಿನೆಕ್‌ ಪರೀಕ್ಷೆಗೆ ಪೋವೊಂದಿತ್ತಿನ ಕಾಲೇಜ್ ವಿದ್ಯಾರ್ಥಿನ್ ಬಸ್ ಕಂಡಕ್ಟರ್ ಸಾರ್ವಜನಿಕವಾದ್ ಕೈಟ್ ಪತೊಂದು ಪೊಲೀಸ್‌ ಸ್ಟೇಶನ್‌ಗ್ ಲೆತೊಂದು ಪೋತಿನ ನಡಕೆ ಜ.24 ತಾನಿ ಕಾಂಡೆ ಕಡಬಡ್ ನಡತ್‌ದ್‌ಂಡ್.

ಕುಡುಮ-ಕಲ್ಲ್ ಗುಡ್ಡೆ-ಕಡಬ-ಶಾಂತಿಮೊಗೇರ್-ಪುತ್ತೂರ್ ಬಸ್‌ಡ್‌ ಈ ನಡಕೆ ನಡತ್‌ದ್‌ಂಡ್. ಪೇರಡ್ಕ ಮುಟ್ಟದ ಕಡಬ ಸರ್ಕಾರಿ ಪದವಿಪೂರ್ವ ಕಾಲೇಜಿಡ್ ಪ್ರಥಮ ಪಿಯುಸಿ ಓದೊಂದುಪ್ಪುನ ರವಿಗಣೇಶ್ ಪೇರಡ್ಕದಲ್ಪ ಬಸ್‌ ಬರ್ತ್‌ದಿತ್ತೆರ್. ಅಮಸರೊಡು ಒರಿಜಿನಲ್ ಬಸ್‌ ಪಾಸ್ ಇಲ್ಲಡೇ ಒರಿದಿತ್ತದ್. ಕಂಡಕ್ಟರ್ ಟಿಕೇಟ್ ಮ‌ನ್ಪುನಗ ತೆರಿದ್‌ಂಡ್‌. ಈ ಪೊರ್ತುಡು ಕಂಡಕ್ಟರ್‌ಗ್ ವಿದ್ಯಾರ್ಥಿ ಬಸ್‌ ಪಾಸ್‌ದ ಜೆರಾಕ್ಸ್ ತೋಜಾದೆ .ಈ ಪೊರ್ತುಡು ಕಾಲೇಜ್ ಐಡಿನ್ಹಾ ಕೇಂದ್ ಗೆತೊಂದು ಬೊಕ್ಕ ಬಸ್ ಪಾಸ್‌ದ ಜೆರಾಕ್ಸ್‌ ಆಪುಜಿ ಪಂಡ್‌ದ್ ಟಿಕೇಟ್‌ಲಾ ಕೊರಂದೆ ಐಡಿಕಾರ್ಡ್‌ನ್ ವರೊಕು ಗೆತೊಂದು ಕಂಡಕ್ಟರ್ ಸ್ಟೇಶನ್‌ಗ್ ಪೋಪಿಲೆಕ ವಿದ್ಯಾರ್ಥಿಗ್ ಬಲವಂತ ಮಲ್ಲೆ‌ರ್ ಪಂದ್‌ ಆರೋಪಿತ್‌ದೆ‌ರ್.

ಎಂಕ್ ಪ್ರಾಕ್ಟಿಕಲ್ ಪರೀಕ್ಷೆಗ್ ಕಡೆಸ್ಸೊಂದುಪ್ಪುನೆತ ಬಗೆಟ್ ಕಂಡಕ್ಟರ್‌ಗ್ ಏತ್‌ ಪಂಡ್‌ಂಡಲಾ ಆತೆಕೇ ಮನಿಪಂದೆ ಆವಂದೇ ಕಡಬ ನಡುಪೇಂಟೆರ್ದ್ ವಿದ್ಯಾರ್ಥಿನ್ ಕೈ ಒಯ್ತೊಂದು ಅವಮಾನ ಆಪಿಲೆಕ ಸ್ಟೇಶನ್‌ಗ್‌ ಲೆತೊಂದು ಪೋತೆರ್ ಪಂದ್ ತೆರಿದ್‌ಬೈದ್‌ಂಡ್. ಬೊಕ್ಕ ಪೊಲೀಸೆರೆಗ್ ಪರೀಕ್ಷೆ ಇಪ್ಪುನ ಬಗೆಟ್ ವಿದ್ಯಾರ್ಥಿನ ಅಮ್ಮೆರ್ ಮನವರಿಕೆ ಮಲ್ತಿಬೊಕ್ಕ ಕಾಲೇಜಿದ ಐಡಿ ಕಾರ್ಡ್ ಗೆತೊಂದು ವಿದ್ಯಾರ್ಥಿ ಪರೀಕ್ಷೆಗೆ ಹಾಜಿರಾತೆ.

ಉಂದೆನ್ ಮಾತಾ ತೂಯಿನ ಸಾರ್ವಜನಿಕೆರ್ ಅಂಚೆನೆ ಬೇತೆ ವಿದ್ಯಾರ್ಥಿಲು ಕಡಬದ ಬಸ್ ಸಂಚಾರಿ ನಿಯಂತ್ರಕೆರೆನ್ ತರಾಟೆಗ್ ಗೆತೊಂದೆ‌ರ್ ಪಂದ್ ತೆರಿದ್ ಬೈದ್‌ಂಡ್.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
34
ನ್ಯೂಸ್ ಕರ್ನಾಟಕ ತುಳು

Read More Articles
Related Articles

ಲೇಟೆಸ್ಟ್ ಅಪ್ಡೇಟ್ಸ್ಗಗ್ WhatsApp ಜಾಯಿನ್ ಆಲೆ