News Kannada
Friday, April 19 2024
Cricket
ಕುಡ್ಲ

ಸರ್ಕಿಟ್ ಹೌಸ್ – ಬಿಜೈ ಸಾದಿಗ್‌ ರಕ್ಷಣಾ ಸಚಿವೆ ಜಾರ್ಜ್‌ ಫೆರ್ನಾಂಡಿಸ್‌ ಪುದರ್

Fernandes

ಕುಡ್ಲ: ಪೇಂಟೆದ ಸರ್ಕಿಟ್ ಹೌಸ್ – ಬಿಜೈ ಸಾದಿ ಲೋಕಸಭಾ ಚುನಾವಣೆ ಕರಿನನೇ ಜಾರ್ಜ್ ಫೆರ್ನಾಂಡಿಸ್ ರೋಡ್ ಆವರೆಗುಂಡು. ಭಾರತೊದ ದುಂಬುದ ರಕ್ಷಣಾ ಸಚಿವೆ ಕರಿದ್ ಪೋತಿನ ಜಾರ್ಜ್ ಫೆರ್ನಾಂಡಿಸ್‌ ಮೆರೆನ ಪುದರ್ ದೀಯೆರೆ ರಾಜ್ಯ ಸರ್ಕಾರ ಅನುವು ಕೊರ್ದಿತ್ತ್ ದ್,ಲೋಕಸಭಾ ಎಲೆಕ್ಷನ್ ಕರಿದ್ ಈ ಸಾದಿದ ಪುದರ್ ಅಧಿಕೃತ ಪುದರ್‌ಪಲವೆದೊಟ್ಟುಗು ಪಾಡುವ ಪಂದ್‌ ಕುಡ್ಲ ಮೇಯರ್ ಸುಧೀ‌ರ್ ಶೆಟ್ಟಿ ಕಣ್ಣೂರು ತೆರಿಪಾದೆರ್.

ಸುದ್ದಿಗೋಷ್ಠಿಡ್ ಪಾತೆರ್ನ ಮೇರ್, ಸಾದಿಗ್ ಪೊಸ ಪುದ‌ರ್ ದೀಪಿನ ಬಗೆಟ್ ಬೇಗೊಡೇ ಪ್ರತಿಕ್ರಿಯೆ ಕೊರ್ತಿನ ಸಿಎಂ ಸಿದ್ದರಾಮಯ್ಯರ್ ಅಂಚೆನೇ ಸಚಿವೆ ಭೈರತಿ ಸುರೇಶ್ ಮೊಕಲೆಗ್ ಸೊಲ್ಮೆ ಸಂದಾಯೆರ್.

ಕುಡ್ಲದ ಬಿಜೈದ ಮುಟ್ಟಡ್ ಪೂಟ್ಟುದು ಬಲತಿನ ಜಾರ್ಜ್‌ ಫೆರ್ನಾಂಡಿಸ್ 9 ಸರ್ತಿ ಲೋಕಸಭೆ ಚುನಾವಣೆಡ್ ಗೆಂದಿನ ಕಾರ್ಮಿಕ ನಾಯಕೆರಾದಿತ್ತೆರ್. ಕೊಂಕಣ್ ರೈಲ್ವೆ ಹರಿಕಾರೆರಾದಿತ್ತೆರ್. ಪದ್ಮವಿಭೂಷಣೊಲಾ ಆರೆಗ್ ತೀಕ್‌ದ್‌ಂಡ್‌ ಪಂದ್‌ ಪಂಡೆರ್.

ಕುಡ್ಲ ಮನಪಾ ಸಾಮಾನ್ಯ ಇನಯೊಡು ಜಯಾನಂದ್‌ ಅಂಚನ್ ಅವಧಿಡ್ ಈ ಬಗೆಟ್ ಬಿನ್ನಪು ಸಂದಾದಿತ್ತರ್. ಕೊಂಕಣಿ ಬರವುಗಾರೆರೆ ಸಂಘದ ಸಂಚಾಲಕೆ ರಿಚಾರ್ಡ್ ಮೋರಾಸ್‌ಲಾ ಸಾದಿಗ್ ಪೊಸ ಪುದರ್ ದೀವೊಡು ಪಂದ್ ಬಿನ್ನೈತಿತ್ತೆರ್ ಪಂದ್ ಅಂಬಲ್ತೊಂಡೆರ್.‌

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
34
ನ್ಯೂಸ್ ಕರ್ನಾಟಕ ತುಳು

Read More Articles

ಲೇಟೆಸ್ಟ್ ಅಪ್ಡೇಟ್ಸ್ಗಗ್ WhatsApp ಜಾಯಿನ್ ಆಲೆ