News Kannada
Friday, April 19 2024
Cricket
ಕುಡ್ಲ

ವಿಭಿನ್ನ ಕಥಾಹಂದರದ “ಕ್ಲಾಂತ” ಸಿನಿಮಾ ಸದ್ಯಡ್‌ ಬುಡುಗಡೆ

New Project (13)

ಕುಡ್ಲ: ತುಳುನಾಡುದಗಲೇ ಸೇರ್ದ್ ನಿರ್ಮಾಣದ ಪೊಸ ಕನ್ನಡ ಚಲನಚಿತ್ರ “ಕ್ಲಾಂತ” ಸಿನಿಮಾ ಸದ್ಯಡೆ ಬುಡುಗಡೆ ಆಯರೆ ಉಂಡು ಪಂದ್ ಚಿತ್ರದ ನಿರ್ಮಾಪಕ ಉದಯ ಅಮ್ಮಣ್ಣಾಯ ಪತ್ರಿಕಾಗೋಷ್ಠಿಡ್‌ ತೆರಿಪಾದೆರ್.

“ಅನುಗ್ರಹ ಪವರ್ ಮೀಡಿಯಾ ಪನ್ಪಿನ ಸಂಸ್ಥೆದಡಿಟ್ಟ್‌ ಸುರುತ ಸರ್ತಿಗ್‌ ಈ ಸಿನಿಮಾ ನಿರ್ಮಾಣ ಮಂತ್‌ ದೆ. ಈನೆಕ್ಕ್‌ ಉಂಬು “ದಗಲ್ ಬಾಜಿಲು” ತುಳು ಚಿತ್ರದ ಜೋಡಿ ಆದ್ ನಿರ್ದೇಶಕ ವೈಭವ್ ಪ್ರಶಾಂತ್ ಬೊಕ್ಕ ನಾಯಕ ವಿಗ್ನೇಶ್ ನನರೂ ಜೊತೆಯಾದ್ ಕ್ಲಾಂತ ‌ ಪನ್ಪಿನ ಕನ್ನಡ ಚಿತ್ರದ ಮೂಲಕ ನನ್ನೂಂಜಿ ಮೈಲಿಗಲ್ಲು ಸಾಧಿದಯೆರೆ ಸಜ್ಜ್‌ ಆತ್ತರ್. ನಿರ್ದೇಶಕ ವೈಭವ್ ಪ್ರಶಾಂತ್‌ ನೆಕ್ಕ್‌ ದುಂಬು ರಂಗನ್ ಸ್ಟೈಲ್ ಪನ್ಪಿನ
ಕನ್ನಡ ಚಿತ್ರ ನಿರ್ದೇಶನ ಮಂತ್‌ ದ್‌ ಇಂದು ಕನ್ನಡಡ್‌ ಆರೆನ್‌ ರಡ್ಡನೆ ಸಿನಿಮಾ ಆತಂಡ್. ಚಿತ್ರದ ಟೀಸರ್ ‌ ಬುಡುಗಡೆ ಆತಂಡ್.
ಮಾತಾ ಕಡೆಟ್ಟ್ ಮೆಚ್ಚುಗೆ ಪಡೆತಂಡ್. ‌

ಬೊಕ್ಕ ಪಾತೆರಿನ ಗಾಯಕ ರಾಜೇಶ್ ಕೃಷ್ಣನ್ ಆರ್, “ಕೊರಗಜ್ಜನ ಕಾರಣಿಕ ಅಪಾರ. ಯಾನ್ ಚಿತ್ರಡ್ ಕೊರಗಜ್ಜ‌ ಭಕ್ತಿರ್ದ್ ಪೂಜೆ ಮನ್ಪುನ ಪದ್ಯನ್‌ ಪಂತೆ. ಇಂದು ಎನ್ನ ಪುಣ್ಯ. ಕೊರಗಜ್ಜನ ಕಾರಣಿಕದ ಬಗ್ಗೆ ತೆರಿದೆ. ಇಂದು ಅಜ್ಜನ ಕ್ಷೇತ್ರಡೆ ಪದ್ಯ ಬುಡುಗಡೆ ಆಯಿನ ಖುಷಿ. ಮಾತೆರ್ಲಾ ಪ್ರೀತಿ ದಿದ್ ಸಿನಿಮಾನ್‌ ಗೆಂದಾಲೆ ಪಂಡೆರ್. ‌

ನಿರ್ದೇಶಕರಾಯಿನ ವೈಭವ್ ಪ್ರಶಾಂತ್ ಪಾತೆರ್ದ್, “ಚಿತ್ರದ ನಾಯಕನ ನಟನೆ ಬೊಕ್ಕ ಪವರ್ ಫುಲ್ ಆಕ್ಷನ್ ತೂದ್ ‌ ಜನಕ್ಕುಲು ಇಂಬೆರೆಗ್ ಕನ್ನಡ ಚಿತ್ರರಂಗಡ್ ಹೀರೋ ಆಪುನ ಲಕ್ಷಣ ಉಂಡು ಪನೊಂದುಲ್ಲೆರ್‌. ರಡ್ಡನೆ ಸಲ ಬೊಕ್ಕ ದಯವಿಟ್ಟು ಗಮನಿಸಿ ಪುಗರ್ತೆದ ಸಂಗೀತ ಭಟ್ ಈ ಚಿತ್ರಗ್ ನಾಯಕಿ‌ ‌ಆತ್ತೆರ್.‌ ಆರೆನ ನಟನೆ ಬೊಕ್ಕ ಆಕ್ಷನ್ ಗ್ ಮಾತ ಕಡೆಟ್ಟ್‌ ಪ್ರಶಂಸೆ ತಿಕ್ಕಂಡ್.‌

ತುಳುನಾಡ್‌ ದ ಹಾಸ್ಯೆ ನಟೆರಾಯಿನ ಭೋಜರಾಜ್ ವಾಮಂಜೂರ್ ಆರೆನ ಮಗಳ್ ಪಂಚಮಿ ವಾಮಜೂರ್ ಸುರುತ ಸರ್ತಿಗ್ ಕನ್ನಡ ಚಿತ್ರರಂಗಗ್ ಈ ಚಿತ್ರದ ವಿಭಿನ್ನ ಪಾತ್ರದ ಮೂಲಕ ಕಾರ್‌ ದೀತೆರ್.‌ ಬೊಕ್ಕ ತುಳು ಚಿತ್ರರಂಗದ ಅದ್ಭುತ ಖಳ ನಟ ಚಾ ಪರ್ಕ ತಂಡದ ತಿಮ್ಮಪ್ಪ ಕುಲಾಲ್ ಆರ್ ಈ ಚಿತ್ರ‌ಡ್ ಒಂಜಿ ಅದ್ಭುತ ಪಾತ್ರ ಮಂತ್‌ ದೆರ್.

ತಾರಾಗಣಡ್ ಶೋಭರಾಜ್, ವೀಣಾ ಸುಂದರ್, ಸಂಗೀತ ಯುವ, ಸ್ವಪ್ಪಾ ಶೆಟ್ಟಿಗಾರ್ ಕಾಮಿಡಿ ಕಿಲಾಡಿ ಪ್ರವೀಣ್ ಜೈನ್, ದೀಪಿಕಾ, ವಾಮದೇವ
ಪುಣಿಂಚತ್ತಾಯ,ರಾಘವೇಂದ್ರ ಕಾರಂತ್ ಆಕಾಶ್ ಸಾಲ್ಯಾನ್, ಕೃಷ್ಣ‌ ಬಾಕಿದಗಲ್ ಅಭಿನಯ ಮಂತ್‌ ದೆರ್.

ಚಿತ್ರಗ್ ಛಾಯಾಗ್ರಹಣ ತುಳು “ಏಸ” ಚಿತ್ರದ ಖ್ಯಾತಿದ ಮೋಹನ್ ಲೋಕನಾಥನ್ ಮಂತ್‌ ದೆರ್ , ಎಸ್ಪಿ ಚಂದ್ರಕಾಂತ್ ಸಂಗೀತ ಮಂತ್‌ ದೆರ್‌, ಸಂಭಾಷಣೆ ಮಹೇಶ್  ದೇವ್ ಮಂಡ್ಯ, ಸಂಕಲನ- ಪಿ ಆರ್ ಸೌಂದರರಾಜ್, ಸಾಹಸ -ವಿನೋದ್, ಸಾಹಿತ್ಯ ಶಶಿರಾಜ್ ಕಾವೂರು,
ಸಂತೋಷ್ ನಾಯಕ್, ಸಹ ನಿರ್ಮಾಪಕರು ಸತೀಶ್ ಅಮ್ಮಣ್ಣಾಯ ಜಯಕುಮಾರ್ ಅರುಣ್ ಕುಮಾರ್ ಪ್ರದೀಪ್ ಗೌಡ ಹೇಮಂತ್ ರೈ ಮನವಳಿಕೆ.

ಚಿತ್ರದ ಚಿತ್ರೀಕರಣ ಗುಂಡ್ಯ ಸುಬ್ರಹ್ಮಣ್ಯ ಅರಣ್ಯ ವಲಯಡ್ ಬೊಕ್ಕ ಕಳಸ ಭಾಗಡ್ ಆತಂಡ್. ಚಿತ್ರದ ‌ಬೇಲೆ ಆದ್‌, ಸದ್ಯಡ್ ಬೆಂಗಳೂರು-ಮಂಗಳೂರು ಬೊಕ್ಕ ರಾಜ್ಯಾದ್ಯಂತ ಬುಡುಗಡೆ ಆಯೆರೆ ಉಂಡು ಪಂದ್‌ ಪಂಡೆರ್.

ಪತ್ರಿಕಾಗೋಷ್ಠಿಡ್ ಖ್ಯಾತ ಗಾಯಕ ರಾಜೇಶ್ ಕೃಷ್ಣನ್, ಸಾಹಿತಿ ಶಶಿರಾಜ್ ರಾವ್ ಕಾವೂರು, ನಿರ್ಮಾಪಕರಾಯಿನ ಉದಯ ಅಮ್ಮಣ್ಣಾಯ, ನಿರ್ದೇಶಕರಾಯಿನ ವೈಭವ್ ಪ್ರಶಾಂತ್, ಸಂಗೀತ ನಿರ್ದೇಶಕರಾಯಿನ ಎಸ್ಪಿ ಚಂದ್ರಕಾಂತ್ ಬಾಕಿದಗಲ್‌ ಪಾಲ್‌ ಪಡೆದ ಇತ್ತೆರ್

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
34
ನ್ಯೂಸ್ ಕರ್ನಾಟಕ ತುಳು

Read More Articles
Related Articles

ಲೇಟೆಸ್ಟ್ ಅಪ್ಡೇಟ್ಸ್ಗಗ್ WhatsApp ಜಾಯಿನ್ ಆಲೆ