News Kannada
Tuesday, April 16 2024
Cricket
ಕುಡ್ಲ

34ನೇ ವರ್ಷದ “ಕುಡ್ಲ ದಸರಾ” ಅ.15ರ್ದ್ ಸುರು

"Mangalore Dussehra" of the 34th year will start from 15th October

ಕುಡ್ಲ: ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ನವರಾತ್ರಿ ಮಹೋತ್ಸವ ಕರಿನ 33 ವರ್ಷರ್ದ್ ಕ್ಷೇತ್ರಡ್ ನಡತೊಂದು ಬರೊಂದುಂಡು. ಈ ವರ್ಷ ವಿಶ್ವವಿಖ್ಯಾತ “ಕುಡ್ಲ ದಸರಾ” ಶ್ರೀ ಕ್ಷೇತ್ರದ ನವೀಕರಣದ ರುವಾರಿ ಬಿ. ಜನಾರ್ಧನಪೂಜಾರಿ ಅರೆನ ಮಾರ್ಗದರ್ಶನಡ್ ಉಂದೇ ತಿಂಗೂಳು ಅ.15ಕ್ ಶ್ರೀ ಗಣೇಶ, ನವದುರ್ಗೆ ಬೊಕ್ಕ ಶ್ರೀ ಶಾರದಾ ಮಾತೆನ ಮೂರ್ತಿ ಪ್ರತಿಷ್ಠಾಪನೆ ಮಲ್ತ್ದ್ ಸುರು ಆಪುಂಡೂಂದು ದೇವಳದ ಅಧ್ಯಕ್ಷ ಹೆಚ್.ಎಸ್. ಸಾಯಿರಾಂ ಪತ್ರಿಕಾಗೋಷ್ಠಿಡ್ ತೆರಿಪಾದೆರ್.

ಬೊಕ್ಕ ಪಾತೆರಿನ ಕೋಶಾಧಿಕಾರಿ ಪದ್ಮರಾಜ್ ಆರ್. “ದಸರಾ ಮಹೋತ್ಸವ ಅ.25ಮುಟ್ಟ ಬೇತೆ ಬೇತೆ ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮದೊಟ್ಟುಗ್ ನಡಪುಂಡು. ಅ. 24ಕ್ 4 ಗಂಟೆಗ್ ಸರಿಯಾಗಿ “ಕುಡ್ಲ ದಸರಾ” ಮೆರವಣಿಗೆ ಮಾಜಿ ಸಚಿವ ಬಿ. ಜನಾರ್ಧನ ಪೂಜಾರಿ ಮಾರ್ಗದರ್ಶನಡ್ ಕುಡ್ಲ ನಗರದ ರಾಜರಸ್ತೆಡ್ ಸಾಗ್ದ್ ಶ್ರೀ ಕ್ಷೇತ್ರದ ಪುಷ್ಕರಿಣಿಡ್ ಮೂರ್ತಿ ವಿಸರ್ಜನೆ ನಡಪರ ಉಂಡೂಂದು ಪಂಡೆರ್.

ಅ.15ರ್ದ್ ಅಕ್ಟೋಬರ 23ಮುಟ್ಟ ದಿನೊಲ ಬೈಯಗ್ 6ರ್ದ್ ರಾತ್ರೆ 9ಗಂಟೆ ಮುಟ್ಟ ಪ್ರಖ್ಯಾತ ಕಲಾವಿದೆರ್ದ್
ಸಾಂಸ್ಕೃತಿಕ ಕಾರ್ಯಕ್ರಮಳು ಶ್ರೀ ಕ್ಷೇತ್ರಡ್ ನಡಪರ ಉಂಡು.

ಕುಡ್ಲ ದಸರಾ ಮೆರವಣಿಗೆಡ್ ಜಿಲ್ಲೆ ಬೊಕ್ಕ ರಾಜ್ಯದ ಬೇತೆ ಬೇತೆ ಕಡೆರ್ದ್ ಬರ್ಪುನ ಭಾರತದ ಸನಾತನ ಧರ್ಮದ, ಇತಿಹಾಸ ಭಾವದ ನೆನಪುನ್ ಸ್ಮರಿಸುನ ವಿಶೇಷ ಟ್ಯಾಬ್‌ ಳ್ ಭಾಗಿಯಾದಿಪ್ಪ. ಸಾಂಸ್ಕೃತಿಕ ಮೆರವಣಿಗೆ ಸಾಗುನ ರಸ್ತೆದ ಎರಡೂ ಬರಿಟ್ ಮಾತಾ ಕಟ್ಟಡದ ಮಾಲಕೆರ್ ಅಕುಲೆನ ಕಟ್ವನನ್ ವಿದ್ದುದ್ದೀಪಡ್ ಅಲಂಕಾರ ಮಲ್ತ್ದ್ “ಕುಗ್ಗಿ ದಸರಾ” ಹಬ್ಬಡ್ ಭಾಗಿಯಾವೊಡೂಂದು ಈ ಪೊರ್ತುಡ್ ಪೌಡರ್.

ಪತ್ರಿಕಾಗೋಷ್ಠಿಯಲ್ಲಿ ಉಪಾಧ್ಯಕ್ಷೆ ಉರ್ಮಿಳಾ ರಮೇಶ್, ಪ್ರಧಾನ ಕಾರ್ಯದರ್ಶಿ ಮಾಧವ ಸುವರ್ಣ, ಹರಿಕೃಷ್ಣ ಬಂಟ್ವಾಳ್, ಸಮಿತಿ ಸದಸ್ಯರಾದ ಕೆ. ಮಹೇಶ್ಚಂದ್ರ, ರವಿಶಂಕರ್ ಮಿಜಾರ್, ಎಂ. ಶೇಖರ್ ಪೂಜಾರಿ, ಸಂತೋಷ್ ಕುಮಾರ್, ಜಗದೀಪ್ ಡಿ. ಸುವರ್ಣ, ದೇವೇಂದ್ರ ಪೂಜಾರಿ, ಡಾ.ಅನುಸೂಯ ಬಿ.ಟಿ. ಸಾಲಿಯಾನ್, ಕಿಶೋರ್ ಯೆಯ್ಯಾಡಿ, ಚಂದನ್, ಡಾ. ಬಿ.ಜಿ. ಸುವರ್ಣ, ವಾಸುದೇವ ಕೋಟ್ಯಾನ್ ಇತ್ತೆರ್.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
34
ನ್ಯೂಸ್ ಕರ್ನಾಟಕ ತುಳು

Read More Articles
Related Articles

ಲೇಟೆಸ್ಟ್ ಅಪ್ಡೇಟ್ಸ್ಗಗ್ WhatsApp ಜಾಯಿನ್ ಆಲೆ