Bengaluru 22°C
Ad

ಆಳ್ವಾಸ್‌ ಡ್‌ ಜೂನ್‌ 7 ಬೊಕ 8 ಗ್‌ ಮಲ್ಲ ಮಟ್ಟೊದ ಉದ್ಯೋಗ ಮೇಳ

Alvas 1
Photo Credit: Author

ಕುಡ್ಲ: 2007 ಡ್‌ ಸುರುವಾಯಿನ ಆಳ್ವಾಸ್‌ ಪ್ರಗತಿ ಮಲ್ಲ ಮಟ್ಟೊಡ್‌ ನಡಪುನ ಉದ್ಯೋಗ ಮೇಳ ಬೇಲೆದ ಅಗತ್ಯ ಇತ್ತಿನಕುಲೆಗ್‌ ಮಸ್ತ್‌ ಉಪಕಾರ ಅತುಂಡ್.‌ ಇಡೆ ಮುಟ್ಟ ಈ ಉದ್ಯೋಗ ಮೇಳ ರಾಷ್ಟ್ರಮಟ್ಟೊಡ್‌ ಪುಗರ್ತೆ ಪಡೆವೊಂದುಂಡ್.‌

ಕರ್ನ ವರ್ಷ ನಡತಿನ 14ನೇ ಆಳ್ವಾಸ್‌ ಪ್ರಗತಿ ಬೊಕ 7 ಉದ್ಯೋಗ ಮೇಳ ಡ್‌ ಒಟ್ಟು 31,896 ಜನಕ್ಲು ಉದ್ಯೋಗ ಪಡೆವೊನ್ನ ಪೆರ್ಮೆ ತಿಕ್ಕುದುಂಡ್.‌

ಆಳ್ವಾಸ್‌ ಪ್ರಗತಿ 2024ದ 14ನೇ ಲೇಸ್‌ ದ ಉದಿಪನ ಉಂದುವೇ ಜೂನ್‌ 7ಗ್‌ ವಿದ್ಯಾಗಿರಿಡ್‌ ಬೊಲ್ಪುಗ್‌ 9;30ಗ್‌ ನಡಪೆರ ಉಂಡು. ಎಂಆರ್‍ಜಿ ಗ್ರೂಪ್ ವ್ಯವಸ್ಥಾಪಕೆರಾಯಿನ ನಿರ್ದೇಶಕ ಪ್ರಕಾಶ್ ಶೆಟ್ಟಿ ಇಂಬೆರ್‌ ಉಂದೆನ್‌ ನಡಪದ್‌ ಕೊರ್ಯೆರ ಉಲ್ಲೆರ್.‌ ಮೂಲ್ಕಿ-ಮೂಡುಬಿದಿರೆ ಶಾಸಕೆರಾಯಿನ ಉಮಾನಾಥ ಕೋಟ್ಯಾನ್ ಲೇಸ್‌ ದ ಗುರಿಕಾರೆರಾದ್‌ ಉಲ್ಲೆರ್.‌

ಅಂಚನೆ ಈ ಲೇಸ್‌ ದ ವೇದಿಕೆಡ್‌ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ ಎಂ ಮೋಹನ ಆಳ್ವ ಬೊಕ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆದ ಪೂರ ವಿಧಾನಸಭೆ ಅಂಚನೆ ವಿಧಾನ ಪರಿಷತ್‍ ಚುನಾಯಿತ ಪ್ರತಿನಿಧಿಗಳು ಉಪ್ಪುವೆರ್.‌

ನಾನಾತ್‌ ಮಾಹಿತಿಗ್‌ 9008907716 / 9663190590 / 7975223865 / 9741440490

Ad
Ad
Ad