Bengaluru 22°C
Ad

ಬೊಲ್ತೇರ್: 25 ಏಡ್ ದ ತರೆ ಕಡ್ತುದು ಮರತ ಮೂರ್ತಿಗ್ ಫೋಟೋ ಅಂಟಾದ್ ವಾಮಾಚಾರ

Belthgndy
Photo Credit: Author

ಬೊಲ್ತೇರ್: ಇರ್ವೆರೆ ನಡುಟು ಪಾಕ ವರ್ಸೊದಿ್ರಂಚಿ ನಡತೊಂದಿತ್ತಿನ ಜಾಗೆದ ತಕರಾರ್‌ಗ್ ಸಂಬಂಧಿತ್‌ದ್ ಇತ್ತೆ ಜಾಗೆಗ್ ಪೊಗ್ಗುನ ಗೇಟ್‌ ಎದುರು 25 ಏಡ್‌ಲೆನ ತರೆ ಕಡ್ತ್‌ ದ್‌ ಅವೆಕ್ 25 ಜನೊತ ಪೋಟೋ ದೀದ್ ಮಾಟ ಮಲ್ತಿನ ನಡಕೆ  ಜೂ.10 ತ ಕಾಂಡೆ ಬೊಲ್ಪುಗು‌ ತೆರಿದ್ ಬೈದ್‌ಂಡ್.

ಬೊಲ್ತೇರ್ ತಾಲೂಕ್‌ದ ಗರ್ಡಾಡಿ ಗ್ರಾಮೊದ ಬೋಳಿಯಾರ್ ಪನ್ಪಿನವುಲು 25 ಎಕರೆ ಜಾಗೆನ್ ಕೇರಳ ಮೂಲೊದ ಗೋಪಾ ಕುಮಾರ್ ಬೊಕ್ಕ ಸುಮೇಶ್ ಪನ್ಪಿನಕುಲು ಕರಿನ ವರ್ಸ ಕುಡ್ಲದ ಒಂಜಿ ಜನ ದೆತೊಂದ್, ದಾಖಲೆ ಪತ್ರ ಟ್ರಾನ್ಸಫರ್ ಮಲ್ಲೊಂದು ಜಾಗೆದ 8 ಕೋಟಿ ರೂಪಾಯಿ ಕಾಸ್ ಕೊರಂದೆ ದಗೆ ಮಲ್ತಿತ್ತೆರ್. ಈ ಬಗೆಟ್ ಪಾಕ ಸಮೆಮುಟ್ಟ ರಡ್ಡ ಪಾರ್ಟಿಲ ಕಾದೊಂದಿತ್ತೆರ್. ಬೊಕ್ಕ ಮಾರ್ದಿನ ಜಾಗೆದ ದನಿಕುಲಾಯಿನ ಗೋಪಾ ಕುಮಾರ್ ಬೊಕ್ಕ ಸುಮೇಶ್ ಸೇರ್ದ್ ಬೊರ್ ನ್ಯಾಯಂತಡೆಟ್ ಖಾಸಗಿ ಒಯಿಲ್ ಕೊರ್ದಿತ್ತೆರ್.
ಬೊಲ್ತೇರ್ ಕೋರ್ಟ್ ಜಾಗೆನ್ ಮೂಜನೇ ಜನೊಕು ಮಾರ್ಯೆರೆ ಬಲ್ಲಿ. ಅಂಚೆನೇ ದುಂಬುದ ಮೂಲ ಜಾಗೆದ ದನಿಕುಲಾಯಿನ ಗೋಪಾ ಕುಮಾ‌ರ್ ಬೊಕ್ಕ ಸುಮೇಶ್‌ನ ವರೊಕು ಕೊರ್ದು ಬೊಲ್ತೇರ್ ಕೋರ್ಟ್ ಆದೇಶ ಕೊರ್ದಿತ್ತ್ಂಡ್.

ಇತ್ತೆ ಜಾಗೆಗ್ ಪೊಗ್ಗುನ ಗೇಟ್‌ ಎದುರು ಜೂ.9 ದಾನಿ ರಾತ್ರೆ 25 ಏಡ್‌ಲೆನ ತರೆ ಕಡ್ತ್‌ ದ್ ‌  ಅವೆಕ್ 25 ಜನೊತ ಫೋಟೋ ದೀದಿತ್ತದ್, ಮಾಟ ಮಲ್ದೆರ್ ಪಂದ್ ಆರೋಪ ಕೇಂದ್ ಬರೊಂದುಂಡು. ಏ‌ರ್ ಮಾಟ ಮಲ್ದೆರ್‌, , ದಾಯೆ ಮಲ್ಲೆರ್ ಪಂದ್ ನನಲಾ ತೆರಿದಿಜಿ.  ಬೊಲ್ತೇರ್ ಪೋಲೀಸೆರ್ ಜಾಗೆಗ್ ಬತ್ತ ಒಲವು ಒಟ್ಟು ಮಲ್ಲೊಂದುಲ್ಲೆರ್.

Ad
Ad
Ad