ಕುಡ್ಲ: ಪೊಣ್ಣು ಬಾಲೆನ್‌ ಕಿಡ್ನಾಪ್‌ ಮಲ್ತಿನ ಆರೋಪಿನ ಅರೆಸ್ಟ್‌

ಕುಡ್ಲ:  ಅಳಪೆ ಪಡೀಲ್ ದಲ್ಪ ಶನಿವಾರ ಬಯ್ಯಡ್ ಬಾಲೆದ ಕಿಡ್ನಾಪ್ ಪ್ರಕರಣೋನು ಕಾಲಿ ರಡ್ಜ್ ಗಂಟೆಡ್ ಕಂಕನಾಡಿ ಪೋಲೀಸೆರ್ ನಾಡ್ ಪತ್ತಿಯೆರ್.

ಪೋಲೀಸೆ‌ರ್ ಮಲ್ತಿನ ಕಾರ್ಯಾಚರಣೆಡ್ ಎರ್ನಾಕುಲಂ ಜಿಲ್ಲೆದ ಅನೀಶ್ ಕುಮಾರ್(49) ಪನ್ಪಿನ ಜನನ್ ಅರೆಸ್ಟ್ ಮಲ್ದೆ‌ರ್. ಈ ಜನಕ್ ಇತ್ತೆ ನ್ಯಾಯಾಂಗ ಬಂಧನ ಆತ್‌ಂಡ್.

ಎಂಕ್ ಪೊಣ್ಣು ಬಾಲೆ ದಾಂತಿನೆರ್ದಾವರ ಯಾನ್ ಈ ಬಾಲೆನ್ ಲೆತೊಂದ್ ಪೋಯಿನಿ ಪನ್ದ್ ಆರೋಪಿ ಪೋಲೀಸ್‌ ಜಡ್ತೆದ ಪೊರ್ತು ಬಾಯಿ ಬುಡ್ತೆ. ಬಾಲೆ ತೋಜಂದೆ ಆತಿನ ಒಯಿಲ್ ಬತ್ತಿನೇ ಕಾರ್ಯಾಚರಣೆ ಸುರು ಮಲ್ತಿನ ಪೊಲೀಸೆರ್ ಕುಡ್ಲ ಜಂಕ್ಷನ್ ರೈಲು ಉಂತಡೆರ್ದ್ ಕಾಸರಗೋಡು ದಂಚಿ ಪೋಪಿನ ರೈಲ್‌ಡ್ ಆರೋಪಿ ಪೋತಿನ ಬಗೆಟ್ ಒಲವು ತಿಲ್ಕ್ದ್ ಕಾಸರಗೋಡು ಪೋಲೀಸೆರೆಗ್ ತೆರಿಪಾದ್ ಆರೋಪಿನ್ ಅರೆಸ್ಟ್ ಮಲ್ತ್ ಬಾಲೆನ್ ರಕ್ಷಣೆ ಮಲ್ದೆರ್.