ಪುತ್ತೂರು: ಅರಿಯಡ್ಕ ಗ್ರಾಮೊದ ಕೌಡಿಚ್ಚಾರ್ ಮುಟೊದ ಕುರುಂಜ ಮಣ್ಣಾಪು ಪನ್ನಿನವುಲು ಕಾಡ ಪಂಜಿ ಒಂಜಿ ದಾಳಿ ಮಲ್ತಿನೆರ್ದಾವರ ಸ್ಕೂಟರ್‌ಡ್ ಪೋವೊಂದಿತ್ತಿನ ಕುಂಬ್ರ ಪೆಟ್ರೋಲ್ ಪಂಪ್‌ ಮ್ಯಾನೇಜರ್ ಆದುಪ್ಪುನ ಧನುಷ್ ಪನ್ನಿನಾರೆಗ್ ಗಾತಿದ ಗಡಿಕುಲಾತಿನ ನಡಕೆ ಅ.20 ದ ಇನಿ ಕಾಂಡೆ ನಡತ್‌ದ್ಂಡ್.
ಧನುಷ್ ಏಪೊಲ್ಲ ಲೆಕ ಕಾಂಡೆ ಸ್ಕೂಟರ್‌ಡ್ ಕುಂಬ್ರ ಪೆಟ್ರೋಲ್ ಪಂಪ್‌ಗ್ ಬರೊಂದುಪ್ಪುನಗ ಒರರ್ದ್ ಒರನೆ ಕಾಡ ಪಂಜಿಯೊಂಜಿ ಧನುಷ್ ಬುಡೊಂದಿತ್ತಿನ ಸ್ಕೂಟರ್‌ದ ಮಿತ್ತ್ ದಾಳಿ ಮಲ್ಡ್ಂಡ್. ಈ ಪೊರ್ತುಡು ಅಂಕೆ ತತ್ತ್ದ್ ತಿರ್ತ ಬೂರ್ನ ಧನುಷ್‌ರೆನ ಮಿತ್ತ ಲಾಗಿದ್ ಆರೆನ ಬಲದ ಕೈಕ್ ತುಚ್ಚಿದ್ ಗಾತಿದ ಗಡಿ ಮಲ್ಲಿನತ್ತಂದೆ ಸರ್ರೊದ ಬೇತೆ ಭಾಗೊಲೆಗ್ಲಾ ಗಡಿ ಮಲ್ತ್ಂಡ್. ಪೆಟ್ಟಾತಿನಾರೆನ್ 108 ಆಂಬುಲೆನ್ಸ್‌ಡ್ ಪುತ್ತೂರು ಸರಕಾರಿ ಆಸ್ಪತ್ರೆಗ್ ಲೆತೊಂದು ಪೋತೆರ್.
Ad
