ಬೆಳಾಲ್‌ ರಿಟೈರ್‌ ಡ್‌ ಮಾಸ್ಟ್ರೆನ್‌ ಕೇರ್ನ ಕೇಸ್;‌ ಮರ್ಮಾಯೆ, ಪುಲ್ಲಿ ಖಾಕಿ ವಶೊಕ್‌

ಬೊಲ್ತೇರ್:‌ ಬೆಳಾಲ್‌ ಗ್ರಾಮೊದ ರಿಟೈರ್‌ ಡ್‌ ಮುಖ್ಯ ಶಿಕ್ಷಕೆ ಬಾಲಕೃಷ್ಣ ಭಟ್ರೆನ (83) ಕೆರ್ನ ಕೇಸ್‌ ದ ಆರೋಪಿಲೆನ್‌ ಆ.27 ಗ್‌ ಬೊಲ್ತೇರ್‌ ನ್ಯಾಯಂತಡೆಕ್‌ ಹಾಜರ್‌ ಮಲ್ತಿತ್ತ್‌ದ್‌ ನ್ಯಾಯಂತಡೆ ಆ.31 ಮುಟ್ಟ ಪೊಲೀಸ್‌ ವಶೊಕ್‌ ಕೊರ್ತುಂಡ್.‌

ಬೆಳಾಲ್ ನಿವಾಸಿ ಬಾಲಕೃಷ್ಣ ಭಟ್ ಮೆರೆನ್ ಆ. 20ದಾನಿ ಆರೆನ ಇಲ್ಲಡ್ ಕೆರ್ತಿನ ಆರೋಪೊಡು ಆ. 24 ತಾನಿ ಕುಡುಮ ಸ್ಟೇಶನ್ ಪೊಲೀಸೆರ್ ಕಾಸ್ರೋಡ್ ಮುಳ್ಳೇರಿಯಾದ ರಾಘವೇಂದ್ರ ಕೆದಿಲಾಯ (54) ಬೊಕ್ಕ ಆ ಜನತ ಮಗೆ ಮುರಳಿಕೃಷ್ಣ (21) ಪನ್ಪಿನ ಇರ್ವೆರೆನ್ ಕೈದ್ ಮಲ್ತಿತ್ತೆರ್.

ಆರೋಪಿಲೆನ್ ನ್ಯಾಯಾಧೀಶರೆ ಎದುರು ಹಾಜರ್ ಮನ್ಪಾನಗ ನ್ಯಾಯಾಂಗ ಬಂಧನ ಕೊರ್ದಿತ್ತೆರ್. ಅಂಗಾರೆಗ್ ನ್ಯಾ. ಬಂಧನೊದ ಅವಧಿ ಮುಗಿದಿತ್ತದ್, ಆರೋಪಿಲೆನ್ ಇನ್‌ಸ್ಪೆಕ್ಟರ್ ನಾಗೇಶ್ ಕದ್ರಿ ಮುತಾಲಿಕೆಡ್ ಬೊಲ್ತೇರ್ ನ್ಯಾಯಂತಡೆಕ್ ಹಾಜರ್‌‌ಮಲ್ತೆರ್.‌