ಕಡಬ ಶಾಲೆದ ಕಟ್ಟಾನ ಬೂರ್ದ್‌ ನಾಲ್‌ ಜೋಕುಲೆಗ್‌ ಗಡಿ; ‌ರಡ್ಡ್‌ ಜನ ಸಸ್ಪೆಂಡ್

ಕಡಬ: ತಾಲೂಕುದ ಪೆರಾಬೆ ಗ್ರಾಮದ ಕುಂತೂರು ಸರಕಾರಿ ಪೆರಿಯ ಪ್ರಾಥಮಿಕ ಶಾಲೆದ ಕಟ್ಟಾನದ ಒಂಜಿ ಭಾಗ ಪಗಿನ ನಡಕೆ ಅಂಗಾರೆ ನಡದ್‌ಂಡ್.

ಈ ಪ್ರಕರಣೋಟು ಇಂಜಿನಿಯರ್ ಬೊಕ್ಕ ಶಾಲೆದ ಮುಖ್ಯ ಶಿಕ್ಷಕೆರೆನ್ ಜಿಲ್ಲಾಧಿಕಾರಿಲೆನ ಆದೇಶದ ಮಿತ್ತ ಸಸ್ಪೆಂಡ್ ಮಲ್ತೆರ್ . ಶಾಲಾ ಕಟ್ಟಾನದ ಒಂಜಿ ಭಾಗ ಪಗಿದ್ ನಾಲ್ ಜೋಕುಲೆಗ್ ಪೆಟ್ಟಾತ್‌ಂಡ್. ಎಚ್ಚಿನ ಜೋಕುಲು ಕಲೊಟು ಇತ್ತಿನೆರ್ದಾವರ ಮಲ್ಲ ಅನಾಹುತ ತತ್ತ್ಂಡ್.

ಪಗಿದಿನ ಕಟ್ಟಾನ ಸುಮಾರ್ 50 ವರ್ಸ ಪಿರಾಕ್ ದ, ಸಮಗಟ್ಟ್ ಪಾಯ ದಾಂತಿನೆರ್ದಾವರ ಕುಸ್ಕುದು ಬೂರರೆ ನೆವನ ಆದಿಪ್ಪು. ಶಾಲಾ ಕಟ್ಟಾನದ ಪಿರವುಡು ತಡೆಗೋಡೆ ನಿರ್ಮಿತರೆ ಮಿಷಿನ್ ಗಲಸ್ ದ್ ಟ್ರೆಂಚ್ ತೋಡೊಂದಿಪ್ಪುನಗ ಈ ಕಟ್ಟಾನ ಪಗಿಂಡ್. ಈ ಕಟ್ಟಾನೊಡು ಬಲ ಇಜ್ಜಿ ಪನ್ದ್ ತೆರಿದ್ಲಾ ತಾಪುರ್ತೋಪು ಅಮಸರೊಟು ಬೇಲೆ ಸುರು ಮಲ್ದಿನವು ಊರ್ದಕಲೆನ ಅಂಚೆನೆ ಜೋಕುಲೆನ ಪಿಸಿರ್ ಗ್ ನೆವನ ಆತ್‌ ಂಡ್