Bengaluru 22°C
Ad

ಡಿವೋರ್ಸ್‌ಗ್ ದುಂಬೇ 2ನೇ ಮದಿಮೆ:ಬೊಡೆದಿನ ಮಿತ್ತ ಕ್ರಿಮಿನಲ್ ಕೇಸ್‌ಗೆ ಕೋರ್ಟ್ ಆದೇಶ

Dvc
Photo Credit: Author

ಬೊಲ್ತೇರ್: ಡಿವೋರ್ಸ್‌ ಪ್ರಕ್ರಿಯೆ ನ್ಯಾಯಂತಡೆಟ್ ಉಪ್ಪುನಗನೇ ಬೊಡೆದಿ 2ನೇ ಮದಿಮೆ ಆತಿನ ಪ್ರಕರಣಗು ಸಂಬಂಧಿತ್‌ದ್ ವಾದ ಪ್ರತಿವಾದೊಲೆಗ್ ಕೆಬಿ ಕೊರ್ನ ಬೊಲ್ತೇರ್ ‌ ನ್ಯಾಯಂತಡೆ ಬೊಡೆದಿನ ಮಿತ್ತ್ ಕ್ರಿಮಿನಲ್ ಕೇಸ್ ಪಾಡೆರೆ ಆದೇಶ ಕೊರ್ತುಂಡು.

ಪಣಕಜೆ ಮುಂಡಾಡಿ ನಿವಾಸಿ ಉದಯ ನಾಯಕ್ ಪನ್ನಿನಾರ್ ಮುಂಬಯಿದ ಅನಿತಾ ನಾಯಕ್ ಪನ್ನಿನಾರೆನ್ 2018ಡ್ ಮದಿಮೆ ಆದಿತ್ತೆರ್. ಒಂಜಿ ವರ್ಸ ಕರಿಯೊಂದಿತ್ತಿಲೆಕನೆ ದಾಂಪತ್ಯೋಡು ತಲೆಪುಲು ಉಂಡಾಯಿನೆರ್ದಾವರ ಕುಡ್ಲದ ಕೌಟುಂಬಿಕ ನ್ಯಾಯಂತಡೆಟ್ ವಿಚ್ಛೇದನೊಗು ಅರ್ಜಿ ಪಾಡ್ತಿತ್ತೆರ್.

ಪ್ರತೀ ತಿಂಗೊಲು 30 ಸಾವಿರ ರೂ. ಕೊರೊಡು ಪಂಡ್‌ದ್ ಬೊಡೆದಿ ಕೇಂದಿತ್ತೆರ್. ಈ ನಡುಟು ಬೊಡೆದಿ ಕಂಡನ್ಯಗ್‌ ತೆರಿಯಂದಿಲೆಕ 2023ಟ್ ಮುಂಬಯಿದ ಬೇತೆ ಒಂಜಿ ಆಂಜೊವುನು ಮದಿಮೆ ಆದಿತ್ತೆರ್. ಈ ಇಸಯ ತೆರಿನ ಉದಯ್ ಸಾಕ್ಷಿದೊಟ್ಟುಗು ಬೊಲ್ತೇರ್ಸಿಜೆ ಬೊಕ್ಕ ಜೆಎಂಎಫ್‌ಸಿ ನ್ಯಾಯಂತರ ಪಿರ್ಯಾದ್ ಸಂದಾದಿತ್ತೆರ್.

ಎಸಿಜೆ ಬೊಕ್ಕ ಎಫ್‌ ಸಿಜೆಎಂ ವಿಜಯೇಂದ್ರ ಟಿ.ಎಚ್. ಮೇರ್ ಉದಯ್ ಕೊರ್ತಿನ ಖಾಸಗಿ ಒಯಿಲ್‌ನ್ ಒಪ್ಪಿದ್ ಐಪಿಸಿ ಸೆಕ್ಷನ್ 34, 120 ಬಿ ಬೊಕ್ಕ 494ರ ಅಡಿಟ್ ಪ್ರಕರಣ ದಾಕಲ್ತೊನೆರ ಪುಂಜಾಲಕಟ್ಟೆ ಪೊಲೀಸೆರೆಗ್ ಸೂಚನೆ ಕೊರ್ತೆರ್.

Ad
Ad
Ad