ಕುಡ್ಲ: ದೇವೆರೆನ ಪಾದ ಸೇರ್ನ ಸಾಮಾಜಿಕ ಧಾರ್ಮಿಕ ಮುಖಂಡೆ ಬಿ ದಾಮೋದರ ನಿಸರ್ಗ

ಕುಡ್ಲ: ತುಳುಕೂಟ ಕುಡ್ಲದ ಅಧ್ಯಕ್ಷ, ಸಾಮಾಜಿಕ ಧಾರ್ಮಿಕ ಮುಖಂಡೆ ಬಿ ದಾಮೋದರ ನಿಸರ್ಗ (75) ಇಂಬೆರ್ ಶನಿವಾರ ದೇವೆರೆನ ಪಾದ ಸೇರ್ಯೆರ್.

ಇಂಬೆರ್ ಕಂಕನಾಡಿ ಶ್ರೀ ಬ್ರಹ್ಮ ಬೈದರ್ಕಳ ಗರಡಿ ಕ್ಷೇತ್ರದ ಮೊಕ್ತಸರರಾದ್ ಸೇವೆ ಮಲ್ತುದೆರ್. ಮರೋಳಿ ಶ್ರೀ ಸೂರ್ಯನಾರಾಯಣ ದೇವ್ಯೊದ ಆಡಳಿತ ಮೊಕ್ತಸಾರಾದ್ ಮಸ್ತ್ ವರ್ಷ ಸೇವೆ ಸಂದಾಯ ಮಲ್ತೆರ್. ಅಂಚನೆ ಕಂಕನಾಡಿ ಬಿಲ್ಲವ ಸೇವಾ ಸಮಾಜೊದ ಅಧ್ಯಕ್ಷರಾದ್ಲಾ ಸೇವೆ ಸಂದಾಯ ಮಲ್ತೆರ್. ಶ್ರೀ ಗೋಕರ್ಣನಾಥ ಬ್ಯಾಂಕ್ ದ ಚೇರ್ಮೆರ್ ಆದ್ ಕೆಲವು ವರ್ಸೊಡ್ದಿಂಚಿ ಯಶಸ್ವಿಯಾದ್ ನೇತೃತ್ವ ಮಲ್ತೊಂದು ಬೈದೆರ್.

ಅಂಚನೆ ತುಳು ಬಾಸೆನ್ ಸಂವಿಧಾನೊದ 8ನೇ ಪರಿಚ್ಛೇದೊಗು ಸೇರಾವುನ ಬಗೆಟ್‌ ಮಲ್ಲ ಮಟ್ಟೊದ ಪ್ರಯತ್ನ ಮಲ್ತೊಂದು ಇತ್ತೆರ್. ‌ಇಂಬೆರ್ ಭಾಗವತ ಪ್ರಸಂಗ ಕರ್ತ ಮಧುಕುಮಾರ್ ನಿಸರ್ಗ ಮತ್ತು ದಿ. ಬರವುದಕುಲು ಬೊಕ್ಕ ಚಿತ್ರ ನಿರ್ದೇಶಕೆರ್ ವಿಶು ಕುಮಾರ್ ನ ಮೆಗ್ಯೆ.