ಕುಡ್ಲ: ತುಳು ಲಿಪಿಗ್ ಯೂನಿಕೋಡ್ ಮಾನ್ಯತೆ ಕೊರ್ತುಂಡ್. ಕನಾ೯ಟಕ ತುಳು ಸಾಹಿತ್ಯ ಅಕಾಡೆಮಿದ ಬೊಕ್ಕ ಮಾತ ತುಳುವೆರ್ನ ಕನ ನೆರವೇರಿಂಡ್ ಪಂದ್ ಕನಾ೯ಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷ ತಾರಾನಾಥ ಗಟ್ಟಿ ಕಾಪಿಕಾಡ್ ಈ ವಿಚಾರೋನ್‌ ಪಟ್ಟೊಂಡೆರ್.
ಈ ನಿಟ್ಟಿಡ್ ಮಸ್ತ್ ತಜ್ಞೆರ್ ಪ್ರಯತ್ನ ಮಲ್ತೊಂದು ಇತ್ತೆರ್. 2017ಟ್ಟ್ ಅಪಗರ್ದೆ ಅಕಾಡೆಮಿದ ಅಧ್ಯಕ್ಷೆರ್ ಎ.ಸಿ.ಭಂಡಾರಿ ವಿಷಯ ಸಮನ್ವಯೊಗು ತಜ್ಞೆರೆನ ಸಮಿತಿನ್ ರಚನೆ ಮಲ್ತೆರ್ ಬೊಕ್ಕ ಅಕಾಡೆಮಿ ಸಹಕಾರ ಕೊರ್ತುಂಡು. ಅಯಿಡ್ದ್ ಬೊಕ್ಕದ ದಿನೊಕುಲೆಡ್ ತುಳು ಲಿಪಿನ್ ಯೂನಿಕೋಡ್ ಆದ್ ಸ್ವೀಕಾರ ಮಲ್ಪರೆ ತಜ್ಞೆರ್ ನಿರಂತರವಾದ್ ಮನವಿ ಕೊರೊಂದು ಈ ವಿಷಯೊಡು ಪರಿಷ್ಕರಣೆಲೆನ್ ಕಡಪುಡುವೆರ್.
ತುಳು ಲಿಪಿನ್ ಸ್ವೀಕಾರ ಮಲ್ಪೆರೆ ಕೆ.ಪಿ.ರಾವ್, ಯು.ಬಿ.ಪವನಾಜ, ವೈಷ್ಣವಿ ಮೂರ್ತಿ, ಎಸ್.ಎ.ಕೃಷ್ಣಯ್ಯ, ರಾಧಾಕೃಷ್ಣ ಬೆಳ್ಳೂರು, ಭಾಸ್ಕರ ಶೇರಿಗಾರ್, ಎಸ್.ಆರ್.
ತುಳು ಲಿಪಿಟ್ ಕುಡೊಂಜಿ ಪುದರ್ ತುಳು-ತಿಗಳರಿನ್ ಯೂನಿಕೋಡ್ ಸ್ವೀಕಾರ ಮಲ್ತ್‌ಂಡ್. ಉಂದೆತ ಮೂಲಕ ತುಳು ಲಿಪಿಟ್ ಉಪ್ಪುನ ಗ್ರಂಥೊಲೆನ್ ಜಾಗತಿಕ ಮಟ್ಟೊಡು ಓದರೆ ತೆರೆಪಾದ್ಂಡ್.
ತುಳು ಭಾಷೆನ್ ಕರ್ನಾಟಕದ ಹೆಚ್ಚುವರಿ ಅಧಿಕೃತ ಭಾಷೆ ಆದ್ ಘೋಷಣೆ ಮಲ್ಪುನ ಪ್ರಯತ್ನೊಲು ಇನ್ನಗಲಾ ಮಹತ್ವ ಪಡೆಯೊಂದುಂಡು ಪಂದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ತಾರಾನಾಥ ಗಟ್ಟಿ ಕಾಪಿಕಾಡ್ ಪಂಡೆರ್.
