News Kannada
Tuesday, April 16 2024
Cricket
ಕುಡ್ಲ

ರೈಲ್ವೇ ಖಾಸಗೀಕರಣದ ವಿರುದ್ಧ ಪುತ್ತೂರುಡ್ ಬೃಹತ್ ಪ್ರತಿಭಟನಾ ಸಭೆ

Congrss 2

ಪುತ್ತೂರು: ದೇಶದ ಆರ್ಥಿಕತೆದ ಜೀವಾಳ, ಜನಕುಲೆನ ಜೀವನಾಡಿ ರೈಲ್ ಖಾಸಗೀಕರಣದ ವಿರುದ್ಧ ದೇಶಡ್ ಪುರ ರೈಲ್ವೇ ನಿಲ್ದಾಣದ ಎದುರು ಬೃಹತ್ ಪ್ರತಿಭಟನೆ ನಡಪರೆ ಉಂಡು , ಈ ನಿಟ್ಟ್ ಡ್ ಪುತ್ತೂರು ಬ್ಲಾಕ್ ಕಾಂಗ್ರೆಸ್, ದ.ಕ.ಜಿಲ್ಲಾ ಕೇಂದ್ರ ಕಾರ್ಮಿಕ ಸಂಘಟನೆದ ಜಂಟಿ ವೇದಿಕೆ, ಬೇತೆ ಬೇತೆ ರೈತ ಸಂಘಟನೆ ಒಕ್ಕೂಟ ಬೊಕ್ಕ ವಿದ್ಯಾರ್ಥಿ ಯುವಜನ ಮಹಿಳಾ ದಲಿತ ಆದಿವಾಸಿ ಬೊಕ್ಕ ಜನಪರ ಸಂಘಟನೆದ ವೇದಿಕೆ ಆಶ್ರಯಡ್ ಬೃಹತ್ ಪ್ರತಿಭಟನಾ ಸಭೆ ಶುಕ್ರವಾರ ಪುತ್ತೂರುದ ರೈಲ್ವೇ ನಿಲ್ದಾಣದ ಎದುರು ನಡತ್ತ್‌ ಂಡ್‌

ಪ್ರತಿಭಟನೆಯನ್ನುದ್ದೇಶಿಸದ್ ಕೆಪಿಸಿಸಿ ಸಂಯೋಜಕ ಕಾವು ಹೇಮನಾಥ ಶೆಟ್ಟಿ ಪಾತೆರ್ದ್, ಬಿಜೆಪಿದ ದುರಾಡಳಿತನ್ ಸಹಿಸಿನ ದೇಶದ ಮುಖ್ಯ ವಾಯಿನ ರೈಲ್ವೇ, ವಿದ್ಯುತ್, ವಿಮಾನ ನಿಲ್ದಾಣದ ಪೂರಾ ಕ್ಷೇತ್ರಡ್ ಖಾಸಗಿದಗಲ್ ಮಾರಾಟ ಮನ್ಪುನ ಮೂಲಕ ಆಡಳಿತ ಮನ್ಪರೆ ಅಸಮರ್ಥರಾತೆರ್ ಪಂದ್ ತೆರಿಪಾದರ್. ಸಾಮಾನ್ಯ ಜನಕುಲೆನ ಭಾವನೆನ್ನ್ ಅರ್ಥ ಮನ್ ಪಂದಿನ ಕೇಂದ್ರ ಸರಕಾರದ ವಿರುದ್ಧ ದುಂಬುದ ಚುನಾವಣೆಡ್ ಜನಕುಲು ಉತ್ತರ ಕೊರ್ಪರ್.

ಸಿಐಟಿಯು ಮುಖಂಡ, ನ್ಯಾಯವಾದಿ ಬಿ.ಎಂ.ಭಟ್ ಪಾತೆರ್ದ್ , ದೇಶದ ಪೂರಾ ಕ್ಷೇತ್ರಲೇನ್ ಖಾಸಗೀಕರಣ ಮನ್ಪುನ ಮೂಲಕ ದೇಶದ ಪ್ರಧಾನಿ ನರೇಂದ್ರ ಮೋದಿ ಮಹಾಮುರುಕೆ. ನಮ್ಮ ತೆರಿಗೆದ ಕಾಸ್ ಡ್ ವಿದ್ಯುತ್, ರೈಲ್ವೇ, ವಿಮಾನ ನಿಲ್ದಾಣ ನಿರ್ಮಾಣವಾದ್ ಬೆಳವಣಿಗೆ ಆತಂಡ್. ಕೊರಿನ ಪಾತೆರನ್ ಒರಿಪಾವಂದೆ ಸರಕಾರ ಯಾಪಲ್ಲಾ ಆಡಳಿತ ಮನ್ಪರೆ ಯೋಗ್ಯರ್ ಅತ್ತ್.

ಪ್ರತಿಭಟನೆನ್ ಸಿಪಿಐಎಂ ಮುಖಂಡ, ಹಿರಿಯ ನ್ಯಾಯವಾದಿ ಪಿ.ಕೆ.ಸತೀಶನ್ ಉದಿಪನ ಮಂತೆ ರ್.

ಪ್ರತಿಭಟನೆಡ್ ನಗರಸಭೆ ಮಾಜಿ ಅಧ್ಯಕ್ಷ ಜಗದೀಶ್ ಶೆಟ್ಟಿ ನೆಲ್ಲಿಕಟ್ಟೆ, ಪುರಸಭೆ ಮಾಜಿ ಸದಸ್ಯ ಜಗನ್ನಾಥ ರೈ ಸೂತ್ರಬೆಟ್ಟು, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಎಂ.ಬಿ.ವಿಶ್ವನಾಥ ರೈ, ಅಲ್ಪಸಂಖ್ಯಾತ ಘಟಕದ ಶಕೂರ್ ಹಾಜಿ, ಮುಖಂಡರಾಯಿನ ಅಬ್ದಲ್ ಖಾದರ್ ಮೇರ್ಲ, ಫಾರೂಕ್ ಬಾಯಂಬಾಡಿ, ಇಸಾಕ್ ಸಾಲ್ಮರ, ವಿವಿಧ ಸಂಘಟನೆದ ಪ್ರಮುಖೇರ್ ಇತ್ತೆರ್ .

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
34
ನ್ಯೂಸ್ ಕರ್ನಾಟಕ ತುಳು

Read More Articles
Related Articles

ಲೇಟೆಸ್ಟ್ ಅಪ್ಡೇಟ್ಸ್ಗಗ್ WhatsApp ಜಾಯಿನ್ ಆಲೆ