News Kannada
Sunday, April 21 2024
Cricket
ಕುಡ್ಲ

ಅ. 22ಕ್ಕ್ ಪುತ್ತೂರ್ದ ಪಿಲಿ ಗೊಬ್ಬು- 2023 ಬೊಕ್ಕ ಫುಡ್ ಫೆಸ್ಟ್

Piligobbu-2023 and Food Fest to be held in Puttur on Oct. 22

ಪುತ್ತೂರು: ತುಳುನಾಡ್ ಧಾರ್ಮಿಕ ಹಿನ್ನೆಲೆ ಇಪ್ಪುನ ಜಾನಪದ ಕಲೆಯಾಯಿನ ಪಿಲಿವೇಷ ನಲಿಪು ಒರಿಪಾದ್ ಬೆಳೆಸಾವುನ ಯೋಚನೆಡ್ ಅ. 22ಕ್ ಇತಿಹಾಸ ಪ್ರಸಿದ್ಧ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ದೇವರ ಮಾರು ಕಂಡಡ್ ರಾಜ್ಯದ ಗಮನ ಸೆಳೆಪುನಂಚಿದ್ನ ಪುತ್ತೂರುದ ಪಿಲಿಗೊಬ್ಬು -2023 ಬೊಕ್ಕ ಫುಡ್ ಫೆಸ್ಟ್ ಕಾರ್ಯಕ್ರಮ ನಡಪರ ಉಂಡೂಂದು ಪುತ್ತೂರುದ ಪಿಲಿಗೊಬ್ಬು ಸಮಿತಿದ ಗೌರವಾಧ್ಯಕ್ಷೆರಾಯಿನ ಸಹಜ್ ರೈ ಬಳಜ್ಜ ತೆರಿಪಾಯೆರ್.

ಸುದ್ದಿಗೋಷ್ಠಿಡ್ ಪಾತೆರಿನ ಆರ್, ಕರಿನ 3 ವರ್ಷರ್ದ್ ದುಂಬು ಸುರು ಆಯಿನ ಸಾಮಾಜಿಕ ಚಟುವಟಿಕೆಡ್ ಗುರುತು ಮಲ್ತೊಂದಿನ ವಿಜಯ ಸಾಮ್ರಾಟ್ ಪುತ್ತೂರು ಆಶ್ರಯಡ್ ಉಂದೇ ಸುರು ಈ ಕಾರ್ಯಕ್ರಮ ನಡಪರ ಉಂಡು. ಸುಮಾರು 25 ಸಾವಿರಗ್ ಮೀರ್ದ್ ಜನಕುಲ್ ಭಾಗಿ ಆಯರ ಉಲ್ಲೆರ್ಂದ್ ಆರ್ ಪಂಡೆರ್.

ಪಿಲಿಗೊಬ್ಬು ಕಾರ್ಯಕ್ರಮಜ ಉದ್ಘಾಟನೆ ಅ. 22ಕ್ ಬೊಲ್ಪುಗ್ 10 ಗಂಟೆಗ್ ನಡಪರ ಉಂಡು, ಪುತ್ತೂರು ಶಾಸಕೆರಾಯಿನ ಅಶೋಕ್ ಕುಮಾರ್ ರೈ ಉದ್ಘಾಟನೆ ಮಲ್ಪರ ಉಲ್ಲೆರ್. ಪಿಲಿಗೊಬ್ಬು ವೇದಿಕೆನ್ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ವ್ಯವಸ್ಥಾಪನ ಸಮಿತಿಯ ಅಧ್ಯಕ್ಷೆರಾಯಿನ ಕೇಶವಪ್ರಸಾದ್ ಮುಳಿಯ ನೆರವೇರಿಸಾವೆರ್. ಪುತ್ತೂರಿನ ಹಿರಿಯ ವೈದ್ಯರಾದ ಡಾ. ಎಂ.ಕೆ. ಪ್ರಸಾದ್ ಭಂಡಾರಿ ಸಭಾಧ್ಯಕ್ಷತೆನ್ ವಹಿಸಾವೆರ್ಂದ್ ಪಂಡೆರ್.

ಪುತ್ತೂರುದ ಪಿಲಿಗೊಬ್ಬುಡ್ ದಕ್ಷಿಣ ಕನ್ನಡ ಜಿಲ್ಲೆಯ ಭಾರೀ ಪುದರ್ ಪಡೆತಿನ 10 ಪಿಲಿವೇಷ ತಂಡನ್ ಬರ್ರ ಪಂದ್ ಅಯಿಟ್ ಎಡ್ಡೆ ಮಲ್ತಿನ ತಂಡಗ್ ಫಸ್ಟ್ ಬಹುಮಾನ ರೂ. 3 ಲಕ್ಷ, ರಡ್ಡ್ನೇ ಬಹುಮಾನ 2 ಲಕ್ಷ ಬೊಕ್ಕ ಮೂಜಿನೇ ಬಹುಮಾನ 1 ಲಕ್ಷ ಬೊಕ್ಕ ಪ್ರೋತ್ಸಾಹಕ ಬಹುಮಾನ ಕೊರ್ದ್ ಗೌರವಿಸಾಯರ ಉಂಡು. ಭಾಗಿಯಾಯಿನ ತಂಡಗ್ ಗೌರವ ಸಂಭಾವನೆ ಕೊರ್ದ್ ಗೌರವ ಕೊರ್ಪೆರ್. ದೆತ್ತ ಒಟ್ಟುಗ್ ಸಮಗ್ರ ತಂಡ ಪ್ರಶಸ್ತಿ, ಸಮಗ್ರ ಶಿಸ್ತಿನ ತಂಡ, ಗುಂಪು ಪ್ರಶಸ್ತಿ ವಿಭಾಗಡ್ ಉತ್ತಮ ತಾಸೆ, ಉತ್ತಮ ಬಣ್ಣ, ಉತ್ತಮ ಧರಣಿ ಮಂಡಲ ಕುಣಿತ, ವೈಯುಕ್ತಿಕ ಪ್ರಶಸ್ತಿ ವಿಭಾಗಡ್ ಕಪ್ಪು ಹುಲಿ, ಮರಿ ಹುಲಿ, ಪುತ್ತೂರುದ ಹುಲಿ ಮುಡಿ ರಾಪಾವುನ, ಚಿಲ್ಲರೆ ದೆತೊನ್ನೆಕ್ ವಿಶೇಷ ಬಹುಮಾನ ಉಂಡು. ಪ್ರತಿ ತಂಡಡ್ 15 ಪಿಲಿವೇಷ ಬೊಕ್ಕ ಪ್ರತಿ ತಂಡಗ್ ಪಿಲಿ ವೇಷ ನಲಿಪುನ ಕಲಾ ಪ್ರದರ್ಶನ ಕೊರ್ರ 23 ನಿಮಿಷದ ಕಾಲಾವಕಾಶ ಉಂಡೂಂದು ಮಾಹಿತಿ ಕೊರ್ತೆರ್.

ಕ್ಷೇತ್ರಡ್ ಎಡ್ಡೆ ಪುದರ್ ಪಡೆತಿನ ಜಿಲ್ಲೆದ ಖ್ಯಾತ ತೀರ್ಪುಗಾರೆರ್ ಭಾಗವಹಿಸಾವೆರ್.

ಅ. 21 ಬಯ್ಯಗ್ 4 ಗಂಟೆಗ್ ಫುಡ್ ಫೆಸ್ಟ್ ಕಾರ್ಯಕ್ರಮದ ಉದ್ಘಾಟನೆನ್ ಶಂಕರ್ ಗ್ರೂಪ್‌ದ ಆಡಳಿತ ನಿರ್ದೇಶಕೆ ಸತ್ಯಶಂಕರ್ ಭಟ್ ನಡಪಾವೆರ್. ಆಹಾರ ಮೇಳ ಅ. 21 ರ ಬಯ್ಯ 4 ರ್ದ್ ರಾತ್ರೆ 11 ಮುಟ್ಟ, ಬೊಕ್ಕ ಅ. 22ರ ಬೊಳ್ಪುಗ್ 10 ಗಂಟೆರ್ದ್ ರಾತ್ರೆ 11 ಗಂಟೆ ಮುಟ್ಟ ನಡಪರ ಉಂಡೂಂದು ಸಮಿತಿದ ಅಧ್ಯಕ್ಷೆ ಪುತ್ತೂರು ಉಮೇಶ್ ನಾಯಕ್ ತೆರಿಪಾಯೆರ್.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
34
ನ್ಯೂಸ್ ಕರ್ನಾಟಕ ತುಳು

Read More Articles
Related Articles

ಲೇಟೆಸ್ಟ್ ಅಪ್ಡೇಟ್ಸ್ಗಗ್ WhatsApp ಜಾಯಿನ್ ಆಲೆ