News Kannada
Tuesday, April 16 2024
Cricket
ಕುಡ್ಲ

ಸಾರ್ವಜನಿಕ ಗಣೇಶೋತ್ಸವಡ್ ಸುರಕ್ಷತಾ ಕ್ರಮ ದೆತೊನ್ಲೆ

Public Ganeshotsav Safety Measures Detonle

ಪುತ್ತೂರು: ಸಾರ್ವಜನಿಕ ಗಣೇಶೋತ್ಸವ ನಡಪುನ ಸಂದರ್ಭಡ್ ಮಾತಾ ರೀತಿದ ಸುರಕ್ಷತಾ ಕ್ರಮನ್ ದೆತೊನೊಡು. ಒವ್ವೆ ರೀತಿದ ಅಹಿತಕರ ಘಟನೆ ಆವಂದಿಲೆಕ್ಕ ಶಾಂತಿಯುತ ರೀತಿಡ್ ಗಣೇಶೋತ್ಸವ ಆಚರಣೆ ಮಲ್ಪೆರೆ ಆಯಾ ಸಮಿತಿದಕುಲು ಜವಾಬ್ದಾರಿ ವಹಿಸೋನೊಡು ಪನ್ದ್ ಪುತ್ತೂರು ನಗರ ಪೊಲೀಸ್ ಠಾಣೆದ ಸಬ್ ಇನ್ಸ್ಪೆಕ್ಟರ್ ಆಂಜನೇಯ ರೆಡ್ಡಿ ಪಂಡೆರ್.

ನಗರತ ಪೊಲೀಸ್ ಠಾಣೆಡ್ ನಡತ್ತಿನ ಬೆತೆ ಬೆತೆ ಗಣೇಶೋತ್ಸವ ಸಮಿತಿದ ಪ್ರಮುಖೇರ್ನ ಸಭೆಟ್ ಈ ಮಾಹಿತಿ ಕೊರ್ಯೆರ್. ಗಣೇಶೋತ್ಸವ ಮನ್ಪುನಾಗ ಸೂ ತೆಕ್ಕವೂನ ವ್ಯವಸ್ಥೆ ಬೋಡು. ಪೆಂಡಾಲ್ ದ ಸುರಕ್ಷತೆದೊಟ್ಟುಗು ಸರಿಯಾಯಿನ ಬೊಲ್ಪುದ ವ್ಯವಸ್ಥೆ, ಬೊಕ್ಕ ಸಿಸಿ ಕ್ಯಾಮೆರಾ ಅಳವಡಿಸವೊಡುಂದು ಪಂಡೆರ್.

ಈ ಬಾರಿ ಗಣೇಶೋತ್ಸವ ಗ್ ನೇರವಾದ್ ದಕ್ಷಿಣ ಕನ್ನಡದ ಜಿಲ್ಲಾಧಿಕಾರಿ ಬೊಕ್ಕ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಡ್ ನೇರ ಸೂಚನೆ ಬತ್ತದೇನ್ಡ್. ರಾತ್ರೆ 10 ಗಂಟೆಡ್ದ್ ದುಂಬು ಗಣೇಶೋತ್ಸವ ದ ಮೆರೆವಣಿಗೆ ಮುಗಿಪ್ಪವೊಡು. ರಾತ್ರೆ 10 ಗಂಟೆಡ್ದ್ ಬೊಲ್ಪುಗ್ 6 ಗಂಟೆ ಮುಟ್ಟ ಸೌಂಡ್ ಬಳಕೆಯವನ್ದಿನಾಂಚಾ ಸರ್ವೋಚ್ಚ ನ್ಯಾಯಾಲಯದ ಆದೇಶನ್ ಪಾಲಿಸವೊಡುಂದ್ ಪಂಡೆರ್ .

ಆಯಿನಾತ್ ಡಿಜೆ ಉಪಯೋಗ ಮಂಪೋಡ್ಚಿ. ಆಡಂಬರಡ್ ಜಾಸ್ತಿ ಭಕ್ತಿ ಪ್ರಿತಿದ್ದ್ ದೇವೆರೆನೆ ಸೇವೆ ಮಲ್ತಾರ್ಂಡ ಅಯಿತ್ತ ಫಲ ತಿಕ್ಕುಂಡು. ಈ ಕಾರನಾಡ್ ನಿಯಮ ಪಾಲನೆದೊಟ್ಟುಗು ಶಾಂತಿಯುತ ಗಣೇಶೋತ್ಸವ, ಮೆರವಣಿಗೆಗ್ ಆದ್ಯತೆ ಕೊರೊಡು ಪಂಡ್ದ್ ಆಂಜನೇಯ ರೆಡ್ಡಿ ಪಂಡೆರ್.

ಸಬ್ ಇನ್ಸ್ಪೆಕ್ಟ್ರ್ ಸೇಸಮ್ಮ ನಿಯಮಾವಳಿದ ಬಗೆತ ಮಾಹಿತಿ ಕೊರ್ಯೆರ್. ನಗರತ ಠಾಣಾ ವ್ಯಾಪ್ತಿದ 15 ಕಡೆಟ್ ಸಾರ್ವಜನಿಕ ಗಣೇಶೋತ್ಸವ ನಡಪ್ಪುಂಡು.

ನಗರದ ಠಾಣಾ ವ್ಯಾಪ್ತಿಯಲ್ಲಿ ಗಣೇಶೋತ್ಸವ ಸಮಿತಿದ ಪ್ರಮುಖೇರಾಯಿನ ದೇವಾನಂದ ಕೆ., ಕುಮಾರನಾಥ್, ಕೇಶವ ಭಂಡಾರಿ, ರಾಧಾಕೃಷ್ಣ ನಂದಿಲ, ರಾಜೇಶ್ ಬನ್ನೂರು, ಸುದೇಶ್ ಚಿಕ್ಕಪುತ್ತೂರು, ಯು.ಲೋಕೇಶ್ ಹೆಗ್ಡೆ, ಪಿ.ವಿ. ದಿನೇಶ್, ಪ್ರಕಾಶ್, ಎಚ್. ಉದಯ ಉಪಸ್ಥಿತರಿತ್ತೆರ್.

 

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
34
ನ್ಯೂಸ್ ಕರ್ನಾಟಕ ತುಳು

Read More Articles
Related Articles

ಲೇಟೆಸ್ಟ್ ಅಪ್ಡೇಟ್ಸ್ಗಗ್ WhatsApp ಜಾಯಿನ್ ಆಲೆ