News Kannada
Tuesday, April 16 2024
Cricket
ಕುಡ್ಲ

ಮಣಿಪಾಲಡ್ ನ.18‌ಕ್ಕ್ ‘ಸಂಸ್ಕಾರ’ ವಿಷಯದ ವರ್ಣ ಚಿತ್ರಕಲಾ ಪ್ರದರ್ಶನ

Jvgvg

ಒಡಿಪು: ಮಣಿಪಾಲ, ಕುಂದಾಪುರ ಬೊಕ್ಕ ಆನ್ ಲೈನ್ ದ ತ್ರಿವರ್ಣ ಕಲಾ ಕೇಂದ್ರದ ವತಿರ್ದ್ ‘ಸಂಸ್ಕಾರ’ ವಿಷಯದ ಕುರಿತಾದ್ ಮೂಜಿ ದಿನ ವರ್ಣ ಚಿತ್ರಕಲಾ ಪ್ರದರ್ಶನ ನ.18 ರ್ದ್ 20ಮುಟ್ಟ ಮಣಿಪಾಲದ ತ್ರಿವರ್ಣ ಆರ್ಟ್ ಗ್ಯಾಲರಿಡ್‌ ನಡಪರೆ ಉಂಡು ಪಂದ್ ಕೇಂದ್ರದ ಕಲಾವಿದೆ ಬೊಕ್ಕ ಮಾರ್ಗದರ್ಶಕೆ ಹರೀಶ್ ಸಾಗಾ ತೆರಿಪಾದೆರ್.‌

ಒಡಿಪುಡ್ ನಡತ್ತಿನ ಸುದ್ದಿಗೋಷ್ಠಿಡ್‌ ಪಾತೆರಿನ ಆರ್, ಮಣಿಪಾಲ, ಕುಂದಾಪುರ ತ್ರಿವರ್ಣ ಕಲಾ ಕೇಂದ್ರ ಬೊಕ್ಕ ಆನ್‌ಲೈನ್ ಮೂಲಕ ಚಿತ್ರಕಲೆನ್‌ ಕಲ್ತೊಂದು ಉಪ್ಪುನ ಒಟ್ಟು 39 ಜನ ಕಿರಿಯರ್‌ ನ ವಿಭಾಗ‌ಡ್ ಕಲಾ ಕಲ್ಪಾರ್ಥಿಲು ರಚಿಸಯಿನ ವರ್ಣಚಿತ್ರಲೆನ್‌ ಪ್ರದರ್ಶನ ಮಂಪರೆ ಉಂಡು ಪಂಡೆರ್.‌

ಕಲ್ಪಾರ್ಥಿಲು ಅಕ್ರಾಲಿಕ್, ಜಲವರ್ಣ, ಪೋಸ್ಟರ್ ಪೆನ್ಸಿಲ್, ಚಾರ್ಕೋಲ್ ಬಣ್ಣದ ಮೂಲಕ ಅಕೆಲೆನ ಕಲೆನ್‌ ಪ್ರದರ್ಶಯರೆ ಉಲ್ಲೆರ್. 3 ದಿನ‌ ಚಿತ್ರಕಲಾ ಪ್ರದರ್ಶನಡ್ ನೇಮ, ದೇವ ದರ್ಶನ, ಪೂ ಕಟ್ಟುನ, ಅಕ್ಷರಾಭ್ಯಾಸ, ಸಮುದ್ರ ಪೂಜೆ, ಗೃಹ ಪ್ರವೇಶ, ವಿಶು ಪರ್ಬ, ಗೋ ಪೂಜೆ, ನಾಗ ಮಂಡಲ, ಸಂಕ್ರಾತಿ, ಬಾರೆದ ಇರೆತ ವನಸ್, ರಂಗೋಲಿ, ಚೌತಿ, ನವ ರಾತ್ರಿ, ತುಳಸಿಪೂಜೆಲು ಕಲಾರೂಪದ್ ತೋಜಾಯರೆ ಉಂಡು ಪಂದ್ ಸಾಗಾ ತೆರಿಪಾಯೆರ್.

ಚಿತ್ರಕಲಾ ಪ್ರದರ್ಶನನ್ ನ.18 ಆನಿ ಕಾಂಡೆ 10ಗಂಟೆಗ್ ನಿವೃತ್ತ ಕನ್ನಡ ಪ್ರಾಧ್ಯಾಪಕೆ ಬೊಕ್ಕ ಹಿರಿಯ ವಿದ್ವಾಂಸ ಡಾ.ಪಾದೆಕಲ್ಲು ವಿಷ್ಣು ಭಟ್ ಉದಿಪನ ಮಂಪರೆ ಉಲ್ಲೆರ್. ಸುದ್ದಿಗೋಷ್ಠಿಡ್ ಕಲಾವಿದೆರನ ಪೋಷಕರಾಯಿನ ಡಾ.ಶಿವರುದ್ರ ಸ್ವಾಮಿ, ಅರವಿಂದ ಪಂಡಿತ್, ಕವಿತಾ ನಾಯಕ್, ವಿನುತಾ, ವಿಜಯಲಕ್ಷ್ಮೀ ಬೊಕ್ಕ ಪಲ್ಲವಿ ಇತ್ತೆರ್.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
34
ನ್ಯೂಸ್ ಕರ್ನಾಟಕ ತುಳು

Read More Articles
Related Articles

ಲೇಟೆಸ್ಟ್ ಅಪ್ಡೇಟ್ಸ್ಗಗ್ WhatsApp ಜಾಯಿನ್ ಆಲೆ