News Kannada
Monday, April 15 2024
Cricket
ಕುಡ್ಲ

ಮದ್ಯದ ಅಂಗಡಿ ಸುರುಮಲ್ಪುನ ಬದಲ್ ಜ್ವಲಂತ ಸಮಸ್ಯೆಗ್ ಪರಿಹಾರ ಕೊರ್ಲೆ: ನಶ್ರೀಯಾ ಬೆಳ್ಳಾರೆ

Stop opening liquor shops and solve burning issues

ಪುತ್ತೂರ್: ರಾಜ್ಯ ಸರಕಾರ ೧ ಸಾವಿರ ಮದ್ಯಂಗಡಿ ಸುರು ಮಲ್ಪುನ ಮುಖಾಂತರ ಗಾಂಧಿ ತತ್ವಗ್ ವಿರುದ್ದವಾದ್ ನಡತೊಂದುಂಡು ಬೊಕ್ಕ ಮದ್ಯದಂಗಡಿ ಜಾಸ್ತಿ ಮಲ್ತ್ ಗಾಂಧಿ ಜಯಂತಿ ಆಚರಿಸೊಂದುಂಡು ಪಂದ್ ಆರೋಪಿಸಾದ್ ಎಸ್ ಡಿ ಪಿ ಐ ಪುತ್ತೂರು ಕ್ಷೇತ್ರ ಸಮಿತಿರ್ದ್ ಅ.೨ ರಂದು ಪುತ್ತೂರು ತಾಲೂಕು ಆಡಳಿತ ಸೌಧದ ಮುಟ್ಟದ ಅಮರ್ ಜವಾನ್ ಜ್ಯೋತಿ ಸ್ಮಾರಕದ ಮುಟ್ಟಡ್ ಪ್ರತಿಭಟನೆ ನಡತ್ಂಡ್.

ಉಮೆನ್ಸ್ ಇಂಡಿಯಾ ಮೂವುಮೆಂಟ್ ರಾಜ್ಯ ಪ್ರಧಾನ ಕಾರ್ಯದರ್ಶಿ ನಶ್ರೀಯಾ ಬೆಳ್ಳಾರೆ ಪಾತೆರ್ದ್, ರಾಜ್ಯ ಸರಕಾರ ಗ್ಯಾರೆಂಟಿ ಸರಿದೂಗಿಸಾವರ ಮದ್ಯಪಾನ ಹೆಚ್ಚಿಸಾವೊಂದುಂಡು. ಮೊಕುಲೆಗ್ ಗಾಂಧಿ ಜಯಂತಿ ಆಚರಣೆ ಮಲ್ಪುನ ನೈತಿಕ ಹಕ್ಕು ಇಜ್ಜಿ. ದೇಶಡೆ ಭಾರೀ ಜಾಸ್ತಿ ಮದ್ಯ ಮಾರುನ ಕರ್ನಾಟಕಡ್ ಇತ್ತೆ ಸಿದ್ದರಾಮಯ್ಯ ಸರಕಾರ ಗ್ರಾಮ ಮಟ್ಟಡ್ ಮದ್ಯದಂಗಡಿ ಸುರು ಮಲ್ಪರ ಯೋಜನೆ ಪಾಡ್ದ್ಂಡ್.

ಉಂದೆನ್ ಪ್ರಶ್ನೆ ಮಲ್ತ್ಂಡ ಜನಸಂಖ್ಯೆಗ್ ಆಧಾರವಾದ್ ಮದ್ಯದಂಗಡಿ ಸುರು ಮಲ್ಪ ಪನೊಂದುಲ್ಲೆರ್. ಆಂಡ ಮೂಲು ಅಗತ್ಯ ಇಪ್ಪುನ ಮದ್ಯದಂಗಡಿ ಆತ್ತ್. ಶಾಲೆ ಕಾಲೇಜ್, ಸರಕಾರಿ ಆಸ್ಪತ್ರೆ ಸುರು ಮಸ್ತ್ ಸಮಾಜದ ಸ್ವಾಸ್ಥ್ಯ ಕಾಪಾಡೊಡು ಪಂಡಿನ ಆರ್ ಓಟುರ್ದ್ ದುಂಬು ೨ಬಿ ಮೀಸಲಾತಿ, ಬಜರಂಗದಳ ನಿಷೇಧ ಮಲ್ಪುನ ಕೆಲಸನ್ ನನಲ ಮಲ್ತ್ಜೆರ್. ಮದ್ಯದಂಗಡಿ ಸುರು ಮಲ್ಪುನೆನ್ ಬುಡ್ದ್ ಜ್ವಲಂತ ಸಮಸ್ಯೆಗ್ ಪರಿಹಾರ ಕೊರ್ಲೆಂದ್ ಪಂಡೆರ್.

ಎಸ್‌ಡಿಪಿಐ ಪುತ್ತೂರ್ ವಿಧಾನಸಭಾ ಸಮಿತಿ ಅಧ್ಯಕ್ಷ ಇಬ್ರಾಹಿಂ ಸಾಗರ್,ಉಪಾಧ್ಯಕ್ಷ ಅಬ್ದುಲ್ ಹಮೀದ್ ಸಾಲ್ಮರ, ಉಮೆನ್ಸ್ ಇಂಡಿಯಾ ಮೂಮೆಂಟ್ ಪುತ್ತೂರು ಅಧ್ಯಕ್ಷ ಜಾಯಿದಾ ಸಾಗರ್, ನಗರಸಭಾ ಸದಸ್ಯೆ ಪಾತಿಮಾತ್ ಜೋರಾ, ಉಪ್ಪಿನಂಗಡಿ ಗ್ರಾ.ಪಂ ಸದಸ್ಯೆ ಸೌದ, ಎಸ್‌ಡಿಪಿಐ ಸಂಘಟನಾ ಕಾರ್ಯದರ್ಶಿ ಅಶ್ರಫ್ ಬಾವು, ಹಿರಿಯರಾದ ಪಿಬಿಕೆ, ಉಸ್ಮಾನ್ ಎ.ಕೆ. ಸಲೀಂ ಪುರುಷರಕಟ್ಟೆ, ಅಶ್ರಫ್ ಬಡಕ್ಕೋಡಿ, ನವಾಜ್ ಕೆರೆಮೂಲೆ, ಎಸ್‌ಡಿಟಿಯು ಕಾರ್ಯದರ್ಶಿ ಇಫಾಜ್ ಬನ್ನೂರು,ಎಸ್‌ಡಿಪಿಐ ಪ್ರಧಾನ ಕಾರ್ಯದರ್ಶಿ ರಹೀಮ್ ಪುತ್ತೂರು ಬೊಕ ಒಂಜಾತ್ ಜನ ಈ ಪ್ರತಿಭಟನೆಡ್ ಭಾಗಿಯಾದಿತ್ತೆರ್.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
34
ನ್ಯೂಸ್ ಕರ್ನಾಟಕ ತುಳು

Read More Articles
Related Articles

ಲೇಟೆಸ್ಟ್ ಅಪ್ಡೇಟ್ಸ್ಗಗ್ WhatsApp ಜಾಯಿನ್ ಆಲೆ