ಒಡಿಪು: ಸ್ವಾತಂತ್ರ್ಯ ದಿನಾಚರಣೆದ ಅಂಗವಾದ್ ಈ ಸರ್ತಿ ಒಡಿಪುದ ಜಿಲ್ಲಾ ಪೊಲೀಸ್ ಕಚೇರಿಡ್ ಡಿಸಿಆರ್ ಬಿ ವಿಭಾಗೊಡ್ ಸಿವಿಲ್ ಹೆಡ್ ಕಾನ್ಸ್ಟೇಬಲ್ ಆದ್ ಸೇವೆ ಮಲ್ತೊಂದು ಉಪ್ಪುನ ಬಿ. ವಿಜಯ್ ಕುಮಾರ್ ಇಂಬೆರೆಗ್ ರಾಷ್ಟ್ರಪತಿ ಪುಣ್ಯ ಸೇವಾ ಪದಕೊದ ಮಾನಾದಿಕೆ ಒಲಿದ್ ಬೈದುಂಡ್.
ಇಂಬೆರ್ 1993ಡ್ ಪೊಲೀಸ್ ಇಲಾಖೆಗ್ ಸೇರ್ದೆರ್. ಬೊಕ್ಕ 31 ವರ್ಸೊಡ್ದಿಂಚಿ ಸೇವೆ ಮಲ್ತೊಂದುಲ್ಲೆರ್. ಇಡೆ ಮುಟ್ಟ ಪಣಂಬೂರು, ಪುತ್ತೂರು ನಗರ, ಉರ್ವ, ಒಡಿಪು ನಗರ, ಕುಂದಾಪುರ, ಒಡಿಪು ಟ್ರಾಫಿಕ್, ಒಡಿಪು ಮಹಿಳಾ ನಿಲ್ದಾಣ, ಹಿರಿಯಡ್ಕ ನಿಲ್ದಾಣೊಡು ಸೇವೆ ಮಲ್ದೆರ್. 2022ನೇ ಇಸವಿಡ್ ಮುಖ್ಯಮಂತ್ರಿ ಬಂಗಾರ್ದ ಪದಕೊನು ಗೆಂದಿಯೆರ್. ಇಂಬೆರ್ ಬೊಳ್ತೆರ್ ದ ಕೆಲ್ಲಗುತ್ತು ನಿವಾಸಿ ದಿ. ಗೋಪಾಲಕೃಷ್ಣ ಬೊಕ್ಕ ಶಾರದೆರ್ನ ಮಗೆ.
Ad
