ಒಡಿಪು: ಇತ್ತೆದ ಶೈಕ್ಷಣಿಕ ತರಗತಿ ಸುರು ಆದ್ 2 ತಿಂಗೊಲು ಕರಿಂಡಲಾ ಫಸ್ಟ್ ಪಿಯುಸಿದ ವಿಜ್ಞಾನ ಬೊಕ್ಕ ವಾಣಿಜ್ಯ ಇಲಾಖೆದ ಕೆಲವು ಪಠ್ಯಪುಸ್ತಕೊಲೆನ್ ಇತ್ತೆಲಾ ಸಪ್ಲೈ ಆತುಜಿ ಪಂದ್ ತೆರಿದ್ ಬೈದುಂಡ್.
ಹೆಚ್ಚಿನ ವಿಜ್ಞಾನ ವಿಷಯೊಲೆಗ್, ಎನ್ ಸಿ ಇ ಆರ್ ಟಿ ಪಠ್ಯ ಪುಸ್ತಕೊನು ಶಿಫಾರಸ್ ಮಲ್ಪುವೆರ್. ಆಂಡಲಾ, ಪಠ್ಯಪುಸ್ತಕೊಲು ಇತ್ತೆಲಾ ತಿಕ್ಕೊಂದು ಇಜ್ಜಿ. ಉಂದು ಗ್ರಾಮೀಣ ಪ್ರದೇಶೊಡು ಉಪ್ಪುನ ಕಲ್ಪರ್ಥಿಲೆಗ್ ಮಲ್ಲ ತಾಪತ್ರೆ ಆತುಂಡ್ ಪಂದ್ ಉಪನ್ಯಾಸಕೆರ್ ತೆರಿಪಾಯೆರ್.
ಮನೋವಿಜ್ಞಾನ, ಕಂಪ್ಯೂಟರ್ ವಿಜ್ಞಾನ ಬೊಕ್ಕ ಅಂಕಿಅಂಶೊಲೆಗ್ ಸಂಬಂಧಪಟ್ಟಿನ ಪಠ್ಯಪುಸ್ತಕೊಲು ತಿಕ್ಕುತುಜಿ. ಆಯಿನಾತ್ ಬೇಗೊಡ್ ಪಠ್ಯಪುಸ್ತಕೊಲೆನ್ ಕೊರ್ಪಿನ ವ್ಯವಸ್ಥೆ ಮಲ್ಪೊಡು ಪಂದ್ ಉಪನ್ಯಾಸಕೆರ್ ಒತ್ತಾಯ ಮಲ್ತೆರ್.
Ad
