Bengaluru 23°C
Ad

ಉಳ್ಳಾಲ: ಕಡಲ್ ಪಾಲಾವೊಂದಿತ್ತಿನ ಪೊಂಜೊವುಲೆನ ರಕ್ಷಣೆ, ಒರ್ತಿ ತೀರ್ಯೆರ್

Died
Photo Credit: Author

ಉಳ್ಳಾಲ: ಮುಲ್ಪದ ಕಡಲ ಕರೆಟ್‌ ತಿರ್ಗೆರೆ ಬತ್ತಿತ್ತಿನ ಆಂಧ್ರಪ್ರದೇಶ ಮೊಲೊದ ನಾಲ್‌ ಪೊಂಜೊವುಲೆಡ್‌ ಒರ್ತಿ ಪೊಂಜೊವ್‌ ಕಡಲ್‌ ದ ಪಾಲಾದಿತ್ತ್‌ ದ್‌, ಒರಿನ ಮೂಜಿ ಪೊಂಜೊವುಲೆನ್‌ ರಕ್ಷಣೆ ಮಲ್ದೆರ್.

ಆಂದ್ರಪ್ರದೇಶೊದ ಕೊಂಡಾಪುರದ ಸಿರಿಲಿಂಗಪಲ್ಲಿದ ನಿವಾಸಿ ಪಿ ಎಲ್‌ ಪ್ರಸನ್ನ ಪನ್ಪಿನಾರೆನ ಬೊಡೆದಿ ಪರಿಮೀ ರತ್ನ ಕುಮಾರಿ(57) ತೀರ್ದಿನಾರ್.‌

ಉಳ್ಳಾಲ ಬೀಚ್‌ ರ್ಗೊಂದುಪ್ಪುನಗ ನೇಲ್ಯ ಸಿರೆ ಒಂಜಿ ಬತ್ತ್ದ್ ನಾಲ್ ಪೊಂಜೊವು‌ನಕ್ಲೆನ್ ಒಯ್ತೊಂದು ಪೋತುಂಡು. ಅಲ್ಪ ಇತ್ತಿನಕುಲು ಅಪಗನೇ ನಾಲ್‌ ಜನನ್ಲ್ಲಾ ಕಡಲ್‌ರ್ದ್ ಪಿದಯಿ ಒಯ್ತದ್ ಪಾಡ್ತದೆರ್.‌

ಉಂದೆಟ್ ಪರಿಮೀ ರತ್ನ ಕುಮಾರಿ ಮತಿ ತತ್ತಿನೆರ್ದಾವರ ದೇರಳಕಟ್ಟೆ ಆಸ್ಪತ್ರೆಗ್ ಲೆತೊಂದು ಪೋದಿತ್ತದ್, ಅಲ್ಪ ತೀರ್ದೆರ್. ಹೈದರಾಬಾದ್‌ರ್ದ್ 5 ಜನ ಪೊಂಜೊವುಲೆ ಕೂಟ ಜೂ.6ಕ್ ಮೈಸೂರ್‌ಗ್ ವಿಮಾನೊಡು ಬತ್ತಿತ್ತೆರ್. ಅಲ್ಪ ಪ್ರವಾಸ ಮುಗಿತ್‌ದ್ ಇನೋವಾ ಕಾರ್‌ಡ್ ಜೂ.7ಕ್ ಕೊಡಗುಗ್ ಎತ್ತದಿತ್ತ್ಂಡ್. ಅಲ್ಪರ್ದ್ ಸುಬ್ರಹ್ಮಣ್ಯ ಕ್ಷೇತ್ರ ಸಂದರ್ಶನ ಮಲ್ತ್‌ದ್, ಕೋಡೆ ಧರ್ಮಸ್ಥಳಗ್ ಪೋದು ಉಳ್ಳಾಲ ಕಡಲ ಕರೆಕ್ ಬತ್ತಿತ್ತೆರ್ ಪಂದ್ ತೆರಿದ್‌ ಬೈದ್ಂಡ್.

Ad
Ad
Ad