ಕುಡ್ಲ: ರಡ್ಡ್ ಜೋಕುಲೆನ ಅಮ್ಮೆ ಬಲ್ ದೆತೊಂದು ಜುವಾ ದೆತೊನ್ನ ನಡಕೆ ಕುಂಪಲದ ಹಮುಮಾನ್ ನಗರಡ್ ನಡತುಂಡ್. ಸ್ವಸಹಾಯ ಸಂಘಗ್ ಸಂಬಂಧಪಟ್ಟಿನಂಚಿನ ಕಾಸ್ ಬಾಕಿಯಿತ್ತುಂಡ್ ಪಂದ್ ಬೇನೆಡ್ ಜುವ ದೆತೊಂದೆರ್ ಪಂದ್ ತೆರಿದ್ ಬೈದುಂಡ್.
ಕುಂಪಲ ಹನುಮಾನ್ ನಗರದ ಯೋಗೀಶ್( ೪೪) ಪನ್ಪಿನಾರ್ ಬಲ್ ದೆತೊಂದು ಸೈತಿನಾರ್. ಇಂಬೆರ್ ಸೆಂಟ್ರಿಂಗ್ ದ ಬೇ;ಎಗ್ ಪೊವೊಂದು ಜೀವನ ದೆತೊಂದು ಇತ್ತೆರ್. ಇನಿ ಬೊಲ್ಪುಗ್ ಇಲ್ಲಡ್ ಪಕ್ಕಾಸ್ ಗ್ ಬಲ್ ಪಾಡ್ದ್ ಜುವ ದೆತೊಂದೆರ್. ಇಂಬೆರ್ ಸ್ವಸಹಾಯ ಸಂಘದ ೪೦ ಸಾವಿರ ಕಾಸ್ ನ ಬ್ಯಾಂಕ್ ಗ್ ಕಟ್ಟಂದೆ ಕರ್ಚಿ ಮಲ್ದಿತ್ತೆರಿಗೆ. ಉಂದೆನ್ ಪಿರ ಕಟ್ಟೊಡು ಪಂದ್ ಅವ್ವೆ ಸಂಘದ ಸದಸ್ಯೆರ್ ಅರೆನ ಇಲ್ಲಗ್ ಪೊದು ಪಂದ್ ಪಾರೆರ್ದ್ ಬತ್ತಿತ್ತೆರಿಗೆ. ಅವೆ ವಿಷಯಡ್ ಬೇಹಾರಾದ್ ಜುವ ದೆತೊಂದೆರ್ ಪಂದ್ ಇಲ್ಲದಕುಲ್ ಪನೊಂದು ಉಲ್ಲೆರ್.
ಯೋಗೀಶೆರ್ ಬಲ್ಲ್ ದೆತೊನ್ನೆನ್ ತೂದ್ ಆರೆನ ಬುಡೆದಿಲಾ ಸಯ್ಯರ ಪೊತೊರೆ. ಅಪಗನೆ ಅಲ್ಪ ಇತ್ತಿನಕುಲು ಅರೆನ್ ರಕ್ಷಣೆ ಮಲ್ದರ್ ಪಂದ್ ತೆರೆದ್ ಬೈದುಂಡ್. ಈ ಬಗೆಟ್ ಉಳ್ಳಾಲ ಠಾಣೆಡ್ ಕೇಸ್ ದಾಖಲ್ ಮಲ್ದೆರ್.