ಒಡಿಪು: ನೀಲಾವರ ಗೋಶಾಲೆಡ್ ಸಾವಿರಾರ್ದ್ ಮಿತ್ತ್ ಕೈಕಂಜಿಲ್ ಉಲ್ಲ. ಈ ಗೋ ಶಾಲೆಗ್ ಜವನೆರ್ನ ಗುಂಪೊಂಜಿ ಸುಮಾರ್ 3ಸಾವಿರ ಕೆಜಿ ಬಚ್ಚಾಂಗಾಯಿ ಕೊರ್ದು ಗೌಜಿ ಮಲ್ದೆರ್.
ಇತ್ತೆ ದೊಂಬುದ ಪೆಟ್ಟ್ ಕಾಲಿ ನರಮನಿಲೆಗ್ ಮಾತ್ರ ಅತ್ತ್ ಪ್ರಾಣಿ ಪಕ್ಷಿಲೆಗ್ಲಾ ಬಾರಿ ಪೆಟ್ಟ್ ಕೊರೊಂದು ಉಂಡು. ಕೈಕಂಜಿಲೆಗ್ ಇತ್ತೆ ಯೇತ್ ಬಂಜಿಗಿತ್ತುಂಡಲಾ ಯಾವುಜಿ. ಸಂಕಟ ಅಪುಂಡ್. ಅಂಚಾದ್ ಇನಿ ರಘುನಂದನ್ ಹೆಬ್ಬಾರ್ ಇಂಬೆರ ಉಸ್ತುವರಿಡ್ ಯುಗಾದಿ ಗೋಪಾರ್ಟಿ ಪನ್ಪಿನ ತಂಡದಕುಲು, 3 ಸಾವಿರ ಕೆಜಿ ಬಚ್ಚಾಂಗಾಯಿ ಗೋಶಾಲೆಗ್ ಕೊನತೆರ್. ಅಲ್ಪನೆ ಅವೆನ್ ತುಂಡು ತುಂಡು ಮಲ್ತುದ್ ಕೈಕಂಜಿಲೆಗ್ ಕೊರ್ದು ಗಮ್ಮತ್ ಮಲ್ದೆರ್.
ಈ ತಂಡದಕುಲು ಪ್ರತಿ ವರ್ಸಲ ಬೇತೆ ಬೇತೆ ಗೋ ಶಾಲೆಗ್ ಸೇವೆ ಕೊರೊಂದು ಉಲ್ಲೆರ್. ಅಂಚನೆ ಈ ಸರ್ತಿ ಒಡಿಪುದ ಗೋ ಶಾಲೆದ ಚಾಕಿರಿ ಮಲ್ದೆರ್. ಅಕುಲು ಬೆಂದಿನ ಕಾಸ್ಡ್ ಒಂತೆ ಇಂಚ ಗೋಶಾಲೆಗ್ ಆದ್ ಒರಿಪವೆರ್.