ಕಡಬ: ಗಾಡಿಗ್ ಮಲ್ದಿನ ಕಡನ್ ಪಿರ ಕಟ್ಟೆರಾವಂದೆ ಜಿಗುಪ್ಸೆ ಆದ್ ಕಡಬ ಬೆಳಂದೂರ್‌ದ ಪಟ್ಟೆ ನಿವಾಸಿ ರಾಜೇಶ್ ಕುಮಾರ್ ಪಿ(37) ಬಲ್ಲ್ ಪಾಡೊಂದೆರ್.
ರಾಜೇಶ್, ಇಲ್ಲದ ಕೊಟ್ಯದ ಅಡ್ಡೆಗು ನೈಲಾನ್ ಬಲ್ಲ್ ಪಾಡ್‌ದ್ ಆತ್ಮಹತ್ಯೆ ಮತ್ತೊಂದಿನ ತೆರಿದ್ ಬೈದ್‌ಂಡ್. ಕೋಡೆ, ತೀರ್ದಿನ ರಾಜೇಶ್ ಕುಮಾರ್ ಕುದ್ಮಾರ್‌ಡುಪ್ಪುನ ತನ್ನ ಪಲಿನ ಇಲ್ಲಗ್ ಪೋದ್ ಬಯ್ಯಡ್ ಪಿರ ಬತ್ತಿತ್ತೆರ್. ಪ್ಲಂಬಿಂಗ್ ಬೇಲೆ ಮಲ್ಲೊಂದಿತ್ತಿನ ರಾಜೇಶ್ ಇಲ್ಲಡ್ ಒರಿಯೇ ಇಪ್ಪೆದೆರ್.
ದಮ್ಮುದ ಸಮಸ್ಯೆ ಇತ್ತಿನ ರಾಜೇಶ್ ಟೂವೀಲರ್‌ಗ್ ಮಲ್ದಿನ ಕಡನ್ ಕಟ್ಟೆರಾವಂದೆ ಆತ್ಮಹತ್ಯೆ ಮತ್ತೊಂದುಪ್ಪೆರ್ ಪಂದ್ ಖಾಕಿದಕುಲು ಅಂದಾಜಿ ಮಲ್ದೆರ್. ಈ ಬಗೆಟ್ ಬೆಳ್ಳಾರೆ ಪೊಲೀಸ್‌ ಸ್ಟೇಶನ್‌ಡ್ ಕೇಸ್ ದಾಕಲಾತ್‌ಂಡ್.
