ಕಡಬ: ಎಪ್ರಿಲ್ 18 ಗ್ ಮದಿಮೆ ಆದಿತ್ತಿನ ಜವನೆ ಒರಿ ತೆಡಿಲ್ ಆಕ್ದ್ ತೀರಿನ ಘಟನೆ ಕಡಬ ತಾಲೂಕುದ ಸುಬ್ರಹ್ಮಣ್ಯಡ್ ಮೇ 3ಕ್ಕ್ ಬಯ್ಯಗ್ ನಡದ್ಂಡ್.
ಸುಬ್ರಹ್ಮಣ್ಯದ ದಿ ಸಾಂತಪ್ಪ ಗೌಡರೆನ ಮಗೆ ಸೋಮಸುಂದರ್(34) ಮೇರ್ ತೀರಿನಾರ್. ಮೇರ್ ಸುಬ್ರಹ್ಮಣ್ಯಡ್ ಕಾರ್ ವಾಶ್ ಮಲ್ಬುನ ಉದ್ಯಮ ಮಲ್ಲೊಂದಿತ್ತೆರ್ ಪನ್ಸ್ ತೆರಿದ್ ಬೈದ್ಂಡ್.
ಬಯ್ಯಗ್ ಬರ್ಸ ಬರೊರ್ದು ದುಂಬು ತಡಿಲ್ ಗಾಳಿ ಇತ್ತಂಡ್ ಅಂಚ ಇಲ್ಲದ ಜಾಲ್ ಡ್ ನುಂಗರೆ ಪಾಡ್ತಿತ್ತಿನ ಬಜ್ಜಯ್ ರಾಶಿ ಪಾಡೆರೆ ಸೋಮಸುಂದರ್ ಪೋಯೆರ್ ಅಪಗ ಅರೆಗ್ ತೆಡಿಲ್ ಅಕಂಡ್.
ಅರೆನ್ ಅಪಗನೇ ಕಡಬದ ಸಮುದಾಯ ಆಸ್ಪತ್ರೆಗ್ ಕೊನೊಂಡಲಾ ಆರ್ ಅಡೆಗ್ ಎತ್ತೊರ್ದು ದುಂಬೇ ತೀರ್ ಪೋತೆರ್.