ಕಾಪು: ಬ್ರಹ್ಮ ಮುಗೇರ್ಲೆ-ಪಿಲ್ಮಂಡಿ ದೈವಸ್ಥಾನೊಡು ರಡ್ಜ್ ವರ್ಸೊಗೊರ ನಡಪುನ ಪಿಲಿ ಕೋಲ ಮೇ 4ಗ್ ಪಿರಿಂಡ್.
ಈ ಸಲ ನಗರ ಪ್ರದಕ್ಷಿಣೆ ಬೊಕ್ಕ ಗ್ರಾಮ ಸಂಚಾರದ ಪೊರ್ತು ಪಿಲಿ ಭೂತ ಒರಿಯನ್ ಮುಟ್ಟುದುಂಡು. ಅವೆರ್ದ್ ಬೊಕ್ಕ ದೈವಸ್ಥಾನೊಗು ಬತ್ ಪೂರ್ವ ಸಂಪ್ರದಾಯದ ಲೆಕ್ಕ ವಿದಿ ಮಲ್ದೆರ್.
ತುಳುನಾಡ್, ಮುಂಬೈ ಇಂಚ ಬೇತೆ ಬೇತೆ ಕಡೆರ್ದ್ ಎಚ್ಚಿನಕುಲು ಈ ಸಲ ಪಿಲಿ ಕೋಲ ತೂವರೆ ಬೈದಿತ್ತೆರ್. ಸುಮಾರ್ 2 ಗಂಟೆ ಬಣ್ಣ ಪಾಡ್ಜ್ ಪಂಜರೊರ್ದು ಪಿದಯಿ ಬತ್ತಿನ ಪಿಲಿ ಭೂತ, ಬೆರ್ಮೆರೆ ಗುಂಡೊಗು ಸುತ್ತು ಬತ್ತ್ ಮಾರಿಗುಡಿತ ಎದುರು ಉಪ್ಪುನ ಬಂಟ ಕಂಬ ಬರ್ತ್ ಪಜ್ಜಿ ಕೋರಿ ಬಲಿ ದೆತೊನ್ನು ಬೊಕ್ಕ ಗ್ರಾಮ ಸಂಚಾರೊಗು ಪೋಪಿನ ಪರಪೋಕು ಉಂಡು.