ಕುಡ್ಲ: ಕುಡ್ಲಡ್ ದೊಂಬುದ ಪೆಟ್ಟ್ ದಿನೊರ್ದ್ ದಿನಕ್ಕ್ ಎಚ್ಚಾವೊಂದುಂಡು. ಅಂಚಾದ್ ಕುಡ್ಲಡ್ ನೀರ್ದ ಸಮಸ್ಯೆಯ ಎಚ್ಚಾವೊಂದುಂಡು.
ಕುಡ್ಲವೊರ್ಮೆ ನೀರ್ ಕೊರೊಂದಿಪ್ಪುನ ತುಂನೆ ಡ್ಯಾಂ ಡ್ ಈ ಸರ್ತಿ ನೀರ್ದ ಮಟ್ಟ 4.20ಗ್ ಜತ್ತುದುಂಡ್. ಇಂಚಾದ್ ಅಡ್ಯಾರ್ ಡ್ಯಾಂ ರ್ದ್ ತುಂಬೆ ಡ್ಯಾಂ ಗ್ ನೀರ್ ಲಿಫ್ಟ್ ಮಾಲ್ತೊಂದು ಉಲ್ಲೆರ್. ಮೇ ಅಕೇರಿಗ್ ಒಲ ಬರ್ಸ ಬತ್ತುಂಜಂಡ ನೀರ್ ದ ಸಮಸ್ಯೆ ನಾನಾತ್ ಎಚ್ಚಾವರ ಉಂಡು.
ಕುಡ್ಲಡ್ ರೇಶನಿಂಗ್ ಡ್ ರಡ್ಡ್ ದಿನಕೊರ ನೀರ್ ಬುಡೊಂದು ಉಲ್ಲೆರ್. ಕಟ್ಟನ ಕಟ್ಟುನ, ಗಾಡಿ ಸರ್ವಿಸ್ ಸೆಂಟರ್ ಲೆಗ್ ನೀರ್ ಬುಡ್ಪುನೆನ್ ಸದ್ಯಗ್ ಉಂತದೆರ್.ಅಂಚನೆ ನೀರ್ ಪೊಕ್ಕಡೆ ಪೊಕ್ಕಡ್ ಹಾಲ್ ಮಲ್ಪಂದಿಲೆಕ ಜಿಲ್ಲಾಡಳಿತ ಎಚ್ಚರಿಕೆ ಕೊರ್ತುಂಡ್.