ಬಂಟ್ವಾಳ: ಕಾರಣಿಕೊದ ಕ್ಷೇತ್ರ ಪಣೋಲಿಬೈಲ್ ಶ್ರೀ ಕಲ್ಲುರ್ಟಿ ದೈವಸ್ಥಾನೊಡು ಭಕ್ತೆರ್‌ ಪರಕೆದ ಕೋಲ ಸೇವೆ ಕೊರ್ಪುನೆಟ್‌ ಮಲ್ಲ ಪರಿಮಾರ್‌ ಕನತ್‌ ದೆರ್.
ಪಣೋಲಿಬೈಲ್ ಕ್ಷೇತೊಡು 23 ಸಾರೊರ್ದುಲಾ ಎಚ್ಚ ಕೋಲ ಸೇವೆಲೆ ಬುಕ್ಕಿಂಗ್ ಇಪ್ಪುನೆರ್ದಾವರ ಪರಕೆ ಪಂಡಿನಕ್ಲೆಗ್ ಬೇಗೊಡು ಸೇವೆ ಸಂದಾವುಲೆಕ ಮನ್ಪೆರ ಪ್ರತೀ ದಿನ ನಡಪುನ ಕೋಲ ಸೇವೆಡ್ ಪರಿಮಾರ್ತ್‌ ದೆರ್. ಇತ್ತೆ ಮುಟ್ಟ ದಿನೊಟು 4 ಜನೊಕು ಕೋಲ ಸೇವೆ ಕೊರೊಂದಿತ್ತೆರ್. ಇತ್ತೆ ಅವೆತ ಪಗತೆಗ್ 8 ಜನೊಕು ಸೇವೆ ಸಂದಾವುನ ಸಂದರಪ್ಪು ಕೊರ್ತೆರ್. ಮೇ 3ರ್ಡ್ ಈ ಪಗತೆ ಆತ್ಂಡ್.
ಪಣೋಲಿಬೈಲ್ ಕ್ಷೇತೊಡು ಅಗೇಲ್ ಬೊಕ್ಕ ಕೋಲ ಸೇವೆಲು ವಿಶೇಷವಾದಿತ್ತದ್, ವಾರೊದ 3 ದಿನ ಅಗೇಲ್ ಅಂಚೆನೇ ವಾರೊದ 5 ದಿನ ಕೋಲ ಸೇವೆ ನಡಪುಂಡು. ಕಾಂಡೆ ಗೊತ್ತು ಮಲ್ದಿನ ಪೊರ್ತುದುಲಯಿ ಬತ್ತಿನಕಲೆಗ್ ಏತ್ ಬೋಡಾಂಡಲ ಅಗೇಲ್ ಸೇವೆ ಕೊರ್ಪುನ ಅವಕಾಶ ಇತ್ತದ್, ಆಂಡ ದಿನೊಟು ಕೋಲ ಸೇವೆ ಕೊರ್ಯೆರೆ ಕಾಲಿ ನಾಲ್ವೆರೆಗ್ ಮಾತ್ರ ಅವಕಾಶ ಇತ್ತಂಡ್.
ಆಂಡ ಈ ಸರ್ತಿ ಎಚ್ಚ ಸೇವೆ ಉಪ್ಪುನೆರ್ದವರ ದಿನಕ್ಕ್‌ ೪ರ್ದ್‌ ೮ ಜನಕ್‌ ಪ್ರಸಾದ ಕೊರ್ಪುನ ಪಂದ್‌ ನಿರ್ಧರಿತ್‌ ದೆರ್. ಅಂಚಾದ್‌ ದಿನೊಟು ಪರಕೆದ ಕೋಲ ಕೊರ್ಯೆರ ಬುಕ್ಕಿಂಗ್ ಮಲ್ತಿನಕಲೆಗ್‌ ಬೇಗ ಅವಕಾಶ ತಿಕ್ಕುಂಡು ಪಂದ್‌ ಪಣೋಲಿಬೈಲ್ ಕ್ಷೇತ್ರದ ಮೂಲೊಲು ತೆರಿಪಾದ.
