ಕುಡ್ಲ: ಶ್ರೀ ಕ್ಷೇತ್ರ ಧರ್ಮಸ್ಥಳ ಮೇಳಡ್ ಸುಮಾರ್ ವರ್ಸ ಚಾಕಿರಿ ಮಲ್ತಿನ ಯಕ್ಷಗಾನ ಕಲಾವಿದೆರಾಯಿನ ಗಂಗಾಧರ ಪುತ್ತೂರು ಇಂಬೆರ್ ತಿಗಲೆ ಬೇನೆಡ್ ತೀರ್ ಪೋಯೆರ್. ಅರೆಗ್ 59 ವರ್ಸ ಪ್ರಾಯ ಆದಿತ್ತುಂಡ್.
ನಾಲ್ ದಶಕರ್ದ್ ಇಂಚಿ ಯಕ್ಷಗಾನ ಡ್ ಸೇವೆ ಸಲ್ಲಿಸವೊಂದು ಇತ್ತೆರ್. ಅಂಚನೆ ಕೊಡೆ ರಾತ್ರೆ 12:25 ಗಂಟೆ ಪೊರ್ತುಗ್ ಆಟ ಆದ್ ಏಸ ದೆತ್ತೊಂದು ಉಪ್ಪುನಗ ತಿಗಲೆ ಬೇನೆ ಆದ್ ತೀರ್ ಪೋತೆರ್.
ಇಂಬೆರ್ 18 ವರ್ಸಡೆ ಮೇಳ ತಿರುಗಾಟ ಸುರು ಮಲ್ದಿತ್ತೆರ್. ಸ್ತ್ರೀ ವೇಷ, ರಾಜ ಏಸ, ಪುಂಡು ಏಸ ಪಾಡುನೆಡ್, ಮಾಲಿನಿ, ಚಿತ್ರಾಂಗದೆ, ಮೋಹಿನಿ, ದಾಕ್ಷಾಯಿಣಿ, ಪ್ರಮೀಳೆ, ಶ್ರೀದೇವಿ, ಸೀತೆ, ದೇವೇಂದ್ರ, ದುಶ್ಯಾಸನ ಇಂಚನೆ ಬಗೆರ ಬಗೆರ ಏಸ ಪಾಡುದ್ ರೈಸಿನ ಇಂಬೆರ ಬಾರಿ ಪುಗರ್ತೆ ಪಡೆತೆರ್.